ပညာရေးပြုပြင်ပြောင်းလဲရေးကွန်ရက်

နိုင်ငံလုံးဆိုင်ရာပညာရေးပြုပြင်ပြောင်းလဲရေးကွန်ရက် (NNER)

National Network for Education Reform (NNER) စာမျက်နှာနှင့်ပတ်သက်၍ …

နိုင်ငံလုံးဆိုင်ရာပညာရေးပြုပြင်ပြောင်းလဲရေးကွန်ရက် (NNER) နဲ့ ပတ်သက်တဲ့ စာမျက်နှာတခုကို လွတ်လပ်လှိုင်းရဲ့  ဥပစာမှာ ဖွင့်လှစ်ထားရှိရတဲ့ အကြောင်းကတော့ မှားယွင်းတဲ့ပညာရေးစနစ်ကြီးတခုလုံးကို ပြုပြင်ပြောင်းလဲပစ်ရမယ်ဆိုတဲ့ တော်လှန်တဲ့အတွေးအခေါ်ကို ကိုင်စွဲထားတဲ့ လွတ်လပ်တဲ့အသင်းအဖွဲ့တခုကို ရှိသင့်ရှိအပ်တဲ့အဆင့်နေရာမှာ သမိုင်းတန်ဖိုးနဲ့အညီ နေရာပေးလိုရင်းဖြစ်ပါတယ်။

စစ်အာဏာရှင်စနစ်ကြီး ကြီးစိုးနေဆဲဖြစ်သလို ဖိနှိပ်မှုတွေလည်း ဆက်လက်ရှိနေဆဲဖြစ်တဲ့ တိုင်းပြည်မှာ မှားယွင်းတဲ့ပညာရေးစနစ်ကြောင့် အတိဒုက္ခရောက်ကြရတဲ့ မျိုးဆက်ဟောင်းတွေလည်း မနည်းလှသလို၊ မျိုးဆက်သစ်တွေလည်း တိုးပွားလျက်ရှိနေဆဲဖြစ်ပါတယ်။ ဒါကြောင့်နိုင်ငံလုံးဆိုင်ရာပညာရေးပြုပြင်ပြောင်းလဲရေးကွန်ရက် (NNER) လို အသင်းအဖွဲ့မျိုးတွေ အထူးလိုအပ်လှပါတယ်။

ဒီစာမျက်နှာမှာ နိုင်ငံလုံးဆိုင်ရာပညာရေးပြုပြင်ပြောင်းလဲရေးကွန်ရက် (NNER)ရဲ့  လှုပ်ရှားမှုတွေ၊ ထုတ်ပြန်ကြေညာချက်တွေနဲ့ ပြောဆိုရေးသားချက်တွေကို ဖော်ပြသွားဖို့ ရည်ရွယ်ထားပါတယ်။ နိုင်ငံလုံးဆိုင်ရာပညာရေးပြုပြင်ပြောင်းလဲရေးကွန်ရက် (NNER) က  ထုတ်ဝေနေတဲ့ စာစောင်တွေကိုလည်း ထပ်ဆင့်ဖော်ပြပေးသွားဖို့ ရည်ရွယ်ထားပါတယ်။ ဒီလိုလုပ်ရတဲ့ တခုတည်းသောအကြောင်းကလည်း မျိုးဆက်တိုင်းကို များများလေ့လာခွင့်ရရှိစေလိုတဲ့ ရည်ရွယ်ချက်နဲ့ ဖြစ်ပါတယ်။

နိုင်ငံလုံးဆိုင်ရာပညာရေးပြုပြင်ပြောင်းလဲရေးကွန်ရက် (NNER)ရဲ့  ထုတ်ပြန်ကြေညာချက်တွေ၊ အခြားရေးသားဖော်ပြချက်တွေနဲ့ ရုပ်သံမှတ်တမ်းဖိုင်တွေကို ပေးပို့ဖို့နဲ့ လက်လှမ်းမီရာနေရာတွေကနေ ကူးယူဖော်ပြခွင့်ပြုဖို့ကိုလည်း တပါတည်း မေတ္တာရပ်ခံပန်ကြားအပ်ပါတယ်။ ဒီ ပန်ကြားချက်နဲ့အတူ အထက်က အချက်အလက်တွေကို ပေးပို့တဲ့အခါ Microsoft Word ပေါ်မှာ ဇော်ဂျီဖောင့်အမျိုးအစားနဲ့ စာရိုက်ပြီး ပေးပို့ဖို့ကိုလည်း ထည့်သွင်းပြောကြားလိုပါတယ်။ ရုပ်သံမှတ်တမ်းဖိုင်တွေကို ပေးပို့တဲ့အခါ ဖိုင်အရွယ်အစားကို 128 MB ထက်မကျော်စေဘဲ ပေးပို့ကြစေလိုပါတယ်။

အထက်က အချက်အလက်တွေကို အောက်ပါ အီးမေးတခုခုကို လိပ်မူပြီး ပေးပို့နိုင်ပါတယ်။

အယ်ဒီတာအဖွဲ့ –
editor@thefreedomwave.com

ခင်လွန်း (အယ်ဒီတာ) –
khinlunn@thefreedomwave.com

မောင်စိုးသစ် (အယ်ဒီတာ) –
mgsoethit@thefreedomwave.com

တခုခု သိချင်လို့ မေးမြန်းစုံစမ်းလိုတဲ့အခါ –
info@thefreedomwave.com

အယ်ဒီတာအဖွဲ့
လွတ်လပ်လှိုင်းမဂ္ဂဇင်း

—–

နိုင်ငံလုံးဆိုင်ရာပညာရေးပြုပြင်ပြောင်းလဲရေးကွန်ရက် (NNER) ကို ဆက်သွယ်ရန်
Email: nner.mmr@gmail.com
www.facebook.com/NNER.mmr
NNER’s Statement
http://www.burmalibrary.org/docs21/UTL-09–2014-03-27-NNER_Statement-bu.pdf