ဂျူး အရေးကိစ္စအပေါ် ကားမာ့စ်၏ အမြင်(၁၈၄၃) – မိုးသီးဇွန်

သမိုင်းနောက်ခံ

မာ့စ်ရဲ့ အမြင်က
လူမျိုးရေး ဘာသာရေး ခွဲခြားဆက်ဆံမှုတွေရဲ့အရင်းခံက
နိုင်ငံတော် ( State ) မဟုတ်ဘူး။
လူ့အဖွဲ့စည်း ( Society ) ဖြစ်တယ်ဆိုတဲ့ အယူဆဖြစ်တယ်။

ရူနိုဘာဝါ (Bruno Bauer) ရေးတဲ့ “The Jewish Question”  အပေါ်မှာ မာ့စ် (Karl Marx’s) ရဲ့  ဝေဖန်ချက်စာမ်းကို မြန်မာ မာ့စ်ဝါဒီတွေ သိပ်မသိကြလှဘူး။ ဒါကြောင့် မြန်မာ မာ့စ်အတုအယောင်တွေဟာ အာဘောင်အာရင်းသန်စွာနဲ့ပဲ မကြာခဏ နိုင်ငံရေးမျက်စိလည်ကြပုံရှိကြတယ်။ ဒီစာတန်းလေးကို ဖတ်သင့်ကြတယ်လို့ တိုက်တွန်းလိုတယ်။

၈၄၃ ခုနစ် ကာလ ဂျာမဏီမှာ ဂျူး လူမျိုးတွေဟာ ဘာသာရေးအရခွဲခြားဆက်ဆံခံရမှုတွေရှိတယ်။ ဂျာမန် လူမျိုးအများစုက ခရစ်ယာန် ဘာသာဝင်တွေ၊ အစိုးရကလည်း ခရစ်ယာန် အစိုးရ ဖြစ်နေတယ်။ ဒီတော့ ဂျူးတွေက ဖိနှိပ်ခံနေရတယ်လို့ ခံစားနေရတယ်။ ဘာသာရေးလွတ်လပ်ခွင့်တွေအတွက် ဆွေးနွေးမှု၊ တောင်းဆိုမှု စတဲ့လှုပ်ရှားမှုတွေရှိနေတယ်။

ဒီအချိန်မှာ ဂျာမန်လူမျိုး ဒဿနိကပညာရှင်နဲ့ သမိုင်းဆရာ ဘရူနိုဘာဝါက “ဂျူးအရေးကိစ္စ” (The Jewish Question) ဆိုတဲ့စာတမ်းကို ရေးသားဖြန့်ဝေခဲ့တယ်။ ဒီစာတမ်းက နိုင်ငံရေး ဒဿနိကဗေဒ လောကမှာ ကျော်ကြားလှတယ်။ ဒီစာတမ်းမှာ ဘရူနိုက ဂျူးတွေအဖိနှိပ်ခံနေရာတဲ့ အကြောင်းက ဂျာမဏီနိုင်ငံဟာ ဂျူးတွေအတွက် နိုင်ငံရေးလွတ်လပ်ခွင့် ( Political Emancipation )မရှိလို့ ဖြစ်တယ်။ ဒါကြောင့်နိုင်ငံတော် ( State ) နဲ့ ဘာသာရေး ( Church ) ကို သီးခြား ခွဲထုတ်သင့်တယ်လို့ ဆိုတဲ့ သီအိုရီဖြစ်ပါတယ်

ဒီ အယူဆဟာ နိုင်ငံရေး လောကမှာ ရေပန်းစားလာတယ်။ ဒါကို ဆရာမာ့စ်ကြီးက လက်မခံပါဘူး။ ဆရာမာ့စ်ကြီးကိုယ်တိုင်က ဂျူး လူမျိုးတယောက်၊ မိဘတွေက ဂျူးဘာသာဝင်တွေဖြစ်ကြသော်ငြားလည်း ဘရူနိုဘာဝါရဲ့ အယူဆကို ဝေဖန်ခဲ့တယ်။

မာ့စ်ရဲ့ အမြင်က လူမျိုးရေး ဘာသာရေး ခွဲခြားဆက်ဆံမှုတွေရဲ့အရင်းခံက နိုင်ငံတော် ( State ) မဟုတ်ဘူး။ လူ့အဖွဲ့စည်း ( Society ) ဖြစ်တယ်ဆိုတဲ့ အယူဆဖြစ်တယ်။ လူ့အဖွဲ့စည်း နေရာအနှံ့အပြားမှာ ဘာသာရေး လူမျိုးရေး တင်းမာမှုတွေရှိနေကြတယ်။

သူက ၁၈ ရာစု အမေရိကန် နိုင်ငံရေး အသိုက်အမြုံ ( အစိုးရ၊ လွှတ်တော်၊ ပါတီများ )မှာ ဘာသာရေးနဲ့ နိုင်ငံရေးကို သီးခြားစီခွဲထုတ်ထားနိုင်သော်ငြားလည်း ဘာကြောင့် ဘာသာရေးတင်းမာမှု၊ လူဖြူလူမဲ ခွဲခြားဆက်ဆံမှုတွေ ရှိနေရတာလည်းလို့ ထောက်ပြပြီး ဘရူနိုရဲ့ အယူဆကိုချေဖျက်ခဲ့တယ်။

သူက ဘာသာရေး လူမျိုးရေးခွဲခြားဆက်ဆံမှု Discrimination and Racism ဟာ လူ့အဖွဲ့စည်းထဲမှာ ဖြစ်ပေါ်နေကြတယ်။ ဖြစ်ရတဲ့အကြောင်းတရားကို သူကထုတ်ဖော်ပေးတယ်။ ဒါကတော့ လူ့အဖွဲ့စည်းအတွင်း အကျိုးစီးပွား Interest နဲ့ လူတွေရဲ့ နေ့စဉ် အတွေ့အကြုံ Daily life experiences တွေကြောင့်လို့ သူက ဆိုပါတယ်

ကွဲ ပြားခြားနားနေတဲ့ အကျိုးစီးပွား ပြဿနာကြောင့် ခရစ်ယာန်တွေက ဂျူးတွေကို ခြိမ်းခြောက်သူတွေလို့ မြင်လာကြတယ်။ လူဖြူတွေက လူမဲတွေကိုရန်လိုလာကြတယ်လို့ ဆိုတယ်။ မတူတဲ့ ဘာသာရေး လူမျိုးရေး တင်းမာမှုတွေဟာ အကျိုးစီးပွား ပြဿနာသာလျင် အဓိကလို့ သူကဖော်ထုတ်ပေးနိုင်ခဲ့တယ်။

ဒါကြောင့် နိုင်ငံရေးအခွင့်အရေး Political Emancipation ရရုံနဲ့ မပြီး။ ဒီပြဿနာ မငြိမ်းနိုင်။ လူ့အဖွဲ့စည်းမှာ (Universal Emancipation  )ရှိအောင်လုပ်ရမယ်။ ဒီနေရာမှာ ဆရာကြီးမာ့စ်ရဲ့  Universal Emancipation ဆိုတာက လွတ်လပ်မှု၊ တရားမျှတမှု၊ ညီမျှမှု ရှိတဲ့ လောကပါလတရားကိုဆိုလိုတယ်

ဒီ ကာလက ဂျူး ဘာသာရေးကျောင်းတွေ၊ ခရစ်ယာန် ဘုရားကျောင်းကြီးတွေမှာ ဝတ်ပြုသူတွေ စည်ကားသိုက်မြိုက်နေတာတွေ၊ အောက်ခြေ အလုပ်သမား လယ်သမားလူတန်းစားက ငတ်တလှည့်ပြတ်တလှည့်ဖြစ်နေချိန်မှာ ဘာသာရးဆရာတွေက ရွှေကျောင်းပြောင်ပြောင် ဖြစ်နေကြတာ၊ မလှူလို့ မရှိ၊ မရှိလို့ မလှူဆိုတဲ့ အယူဆတွေကို ကြက်တူရွေး နှုတ်တက်ရွတ်ဖတ်သရယ်ဆယ်နေကြတာ၊ ရွေကျောင်းပြောင်ပြောင် ဘာသာရေးဆရာတွေ ဘာသာရေးကို ခုတုံးလုပ်အသုံးချနေတာ နိုင်ငံရေး စီးပွားရေးတွေနဲ့ ဒွေးရောယှက်တင်ဖြစ်နေတာတွေကို သူက မြင်ပါတယ်။

ဂျူး တွေကိုလည်း သူကမေးခွန်း ပြန်ထုတ်ခဲ့ပါတယ်။ သူက ‘’The emancipation of the Jews is the emancipation of mankind from Judaism’’ တဲ့။ ဒါကတော့ ဂျူးတွေလွတ်မြောက်မှုဟာ ဂျူး ဘာသာရေးကနေ လူသားလွတ်မြောက်မှုပဲလို့  ဆိုခဲ့တယ်။ ဆိုလိုတာကတော့ လူတွေကို ဘာသာရေးခွဲခြားမှုတွေက ဘာသာရေးကြောင့်ဖြစ်တဲ့ ပဋိပက္ခတွေက ကင်းလွတ်စေချင်ရင် ဘာသာရေးကနေ လွတ်မြောက်အောင် လုပ်ကြဆိုတဲ့ လမ်းညွန်ချက်ဖြစ်လာပါတယ်

ဒါကတော့ မာ့စ်ဝါဒီတွေအတွက် လမ်းညွန်ချက်အဖြစ် တည်ရှိခဲ့တယ်။ ဒီနေ့  မြန်မာပြည်မှာ ဘာသာရေး ပြဿနာတွေကို မြင်ရတော့ လက်ဝဲအမည်ခံ မျက်စိလည်သွားတဲ့ လက်ဝဲသူငယ်နာမကုန်သူများအတွက် ရည်စူးပြီး ဒီစာတမ်းကို ပြန်ဖတ်မိတယ်။ ဒါကြောင့် ပြန်လည်တင်ပေးလိုက်တာပါ။ မြန်မာပြည်ရဲ့ မာ့စ်ဝါဒဆိုင်ရာ စာအုပ်စာတမ်း ထုတ်ဝေမှု မှတ်တမ်းမှတ်ရာတွေထဲမှာ “On The  Jewish Question” နဲ့ပတ်သက်လို့  ရှင်းလင်းထားတာ၊ ရေးထားတာ ဆွေးနွေးခဲ့ကြတာ မတွေ့ဘူးပါ။ ကျနော်ပထမဆုံးရေးတာဖြစ်မယ်။ Bruno Bauer နဲ့ ဆရာကြီးမာ့စ်တို့ ရေးသားချက်မူရင်းဖတ်လိုသူများအနေနဲ့ ကျနော့်ထံ ဆက်သွယ်နိုင်ပါတယ်။

မိုးသီးဇွန်
ဒီဇင်ဘာ၊ ၁၁၊ ၂ဝ၁၇။

ရည်ညွှန်း။ “Karl Marx’s criticism On The Jewish Question”
(ဘာသာပြန် အခန်းဆက်ဆောင်းပါးအဖြစ် ဆက်လက်ဖော်ပြပေးသွားမည်ဖြစ်ပါသည်)