လွတ်လပ်မှု၊ ချစ်ကြည်မှု၊ ငြိမ်းချမ်းမှုနှင့် လူသားဆန်မှု အနုပညာ (FREEDOM, LOVE, PEACE AND ART OF HUMANITY)

ငါ့အစား မင်းသာ အသက်ရှင်လိုက်ပါတော့ – ဖုန်းမောင်

ငါ့အစား မင်းသာ အသက်ရှင်လိုက်ပါတော့

 

ပြောရမယ်ဆို

ငါက အလကားကောင်။

ငါ့ သွေးတွေ ဖောက်ထုတ်ပေးမယ်

ငါ့ ကျောက်ကပ်တွေ ဖြုတ်ပေးမယ်

ငါ့ အသဲကို ဖဲ့ပေးမယ်

မင်းသာ တကယ် အသက်ရှင်မယ်ဆိုရင်ပေါ့

ဘာပဲ လုပ်ရ လုပ်ရ လုပ်ပေးချင်တယ်။

ငါက ဘာအသုံးမှ မကျဘူး

မီးသေကာနီး ဖယောင်းတိုင်လို

ငါ့ အသက်ကို မင်းကို ဝင်ပြီး ထွန်းပေးချင်တယ်။

မင်းကို မြင်ရတာ

မြေကြီးပေါ် ကျတော့မယ့်

နောက်ဆုံး ရေစက်လေး

သစ်ရွက်ဖျားမှာ တွဲခိုနေသလို

အို   မကြည့်ရက်ဘူး။

မျက်ရည်အစစ်ကို

ငါ့ မျက်လုံးတွေက ညှစ်ချလိုက်မိပြီ

ငါ့ကို ထား မသွားပါနဲ့

ငါ့ကို ပစ် မထားခဲ့ပါနဲ့

ငါက နေလည်း မထူးတဲ့ကောင်

သေလည်း ဘာမှ မထူးတဲ့ကောင်။

ဘာတန်ဖိုးမှ မရှိတဲ့ လူတစ်ယောက်က

ခေတ်ကြီးရဲ့ တန်ဖိုးအရှိဆုံးလူတစ်ယောက်အတွက်

အသက်ကို အစားထိုးပြီး ကုပေးလို့ မရဘူးလား။

ဒေါက်တာရယ်

ငါတို့မှာ

သိလျက်နဲ့ ဆုံးရှုံးနေရတယ်

သေမှာသိသိနဲ့

သေမယ့်အချိန်ကို စောင့်နေရတယ်။

အချိန် မရှိတော့ဘူး

မင်းအတွက်ရော ငါ့အတွက်ပါ

ဒါ နာကျင် အချိန်ပို

နောက်ဆုံး အသက်

နောက်ဆုံး မိနစ် နောက်ဆုံး စက္ကန့်

ခရာ မှုတ်သံ မကြားချင်ဘူး။       ။

ဖုန်းမောင်

၅ ၁၂ ၂၀၁၈