လွတ်လပ်မှု၊ ချစ်ကြည်မှု၊ ငြိမ်းချမ်းမှုနှင့် လူသားဆန်မှု အနုပညာ (FREEDOM, LOVE, PEACE AND ART OF HUMANITY)

ကျွန်းမကြီးကဗျာ – တိုးနှောင်မိုး

သူ့သမိုင်းနဲ့သူ သောင်ထွန်းတယ်

ဘယ်သူ့စိတ်ကူးမှမလိုဘူး

ကဗျာဟာ အဲ့လိုလွတ်လပ်ပွင့်လင်းတဲ့ မြစ်ရေအလျင်။

စက်မှုဇုံထဲကထွက်လာတဲ့

ပဋိသန္ဓေတားဆေးဘူးခွံမဟုတ်ဘူး

မြစ်ကသူရဲ့လက္ခဏာ

ဆန့်ထွက်နေသောကဗျာ။

ရှုမဆုံး

မြင်ရ

လွတ်လပ်နွေးထွေးသောကဗျာ

ခေတ်အဆက်ဆက်လက်ဆင့်ကမ်းလာတဲ့ကျွန်း

သမိုင်းတကွေ့နဲ့အတူ

မြစ်ကွေ့မှာလှနေတဲ့တစ်သားထဲစိတ်

လှည်းနေလှေအောက်မြင်းဇောင်းမကျန်ကဗျာ။

ကဗျာရဲဘော်တွေအစုန်အဆန်ရောက်လာကြ

ရောင်စုံကဗျာတွေတစ်ရောင်ထဲဖြစ်သွား

စူးပေါ်ဆူးပြန်ကျသလို

အပ်ဖျားချင်းထိတဲ့ကဗျာနွေဦး

ကဗျာဆရာတွေကဗျာရွတ်သံကကဗျာတွတ်သံပဲ။

မတရားမှုမရှိဘူး

မတရားမှုကိုတွန်းလှန်တယ်

ကဗျာပြီးကဗျာဖြစ်နေတဲ့သကာလ

မကွေးကျွန်းမကြီးမှာကဗျာတွေသောင်ထွန်း

ကဗျာကျွန်းကြီးဖြစ်ခဲ့ပြီ

ဒါ ငါတို့အားလုံးကမ္ဘာ

ဒါ ငါတို့အားလုံးကဗျာ

ကဗျာဆရာရဲ့ဆန္ဒက ကဗျာ

ကဗျာဆရာရဲ့ဆန္ဒက ကဗျာနဲ့တုံ့ပြန်မှု

ကျွန်းမကြီးဟာ ဧရာဝတီရဲ့နှလုံးသားနေရာဖြစ်တယ်

ကဗျာရဲ့အလံဖြစ်တယ်

ကဗျာဆရာရဲ့သမိုင်းဖြစ်တယ်

*အရှေ့ကနေဝန်းထွက်သည့်ပမာ

ကျွန်းမကြီးမှာသာတဲ့လ

လက်ရည်တစ်ပြင်တည်းရှေ့ကထက်ပိုချစ်ခဲ့ကြတယ်။

ကဗျာဆရာဆိုတာ

ဗိုင်းကိုကြည့်ပြီးဓားကိုပါးစပ်နဲ့ကိုက်ဖမ်းတတ်ခဲ့သူမဟုတ်ဘူး

အာခေါင်လှံစူးစရာလည်းမလိုဘူး

အမှန်တရားအတွက်

လွတ်လပ်မှုအတွက်

အဖိနှိပ်ခံလူထုအတွက်ကဗျာရွတ်ပြီးချပြမယ်

ကဗျာဟာ

ကျွန်းမကြီးမှာ ကဗျာသင်္ဂါယနာတင်ရမယ်

ကျွန်းမကြီးကိုကိုယ်စားမပြုဘူး

ကျွန်းမကြီးက

ကဗျာသမိုင်းကိုကိုယ်စားပြုတယ်။

ကဗျာနဲ့ငင်တဲ့ချည်

စိတ်ချင်းသီတဲ့ကြိုး

ကျွန်မကြီးမှာကဗျာနဲ့ရိုက်ထားတဲ့ပန္နက်

နောင်နှစ်ပေါင်းများစွာအထိ

ကျွန်းမကြီးမှာ ကဗျာနေလိုလလို လင်းရမယ်။ ။

30Dec2018

  • ဆရာသိန်းဖေမြင့်