လွတ်လပ်မှု၊ ချစ်ကြည်မှု၊ ငြိမ်းချမ်းမှုနှင့် လူသားဆန်မှု အနုပညာ (FREEDOM, LOVE, PEACE AND ART OF HUMANITY)

ကျွန်းမကြီးရဲ့ဝိမုတ္တိတေး- မောင်မော်ကွန်း

မြန်မာကဗျာလောကမှာ

ကဗျာရွတ်သံတွေ မြိုင်နေတယ် ။


ကဗျာဆရာတွေရဲ့

လွတ်လပ်သောအသံ

အခါမလပ် ပျံ့လွင့်နေတယ် ။

ဒီယဉ်ကျေးမှုကို

တဖြည်းဖြည်းနဲ့

ကဗျာချစ်သူတွေ ပြည်သူတွေ

ခံစားနိုင်စွမ်း

နားလည်/ နားယဉ်နိုင်စွမ်းရှိလာလိမ့်မယ် ။


တစတစနဲ့

ကဗျာ့အသံဟာ

ပြည်သူ့အသံ အသွင်ကူးပြောင်းလာလိမ့်မယ်

လူထုထဲ ကဗျာ့အသံ စိမ့်ဝင်လာလိမ့်မယ်

ဒီလိုပဲ ယုံကြည်ထားတယ် ။

ဒီ ခံစားချက် မျှော်မှန်းချက်

အနာဂတ်စိတ်ကူးအိပ်မက်တွေနဲ့

ကျွန်တော်တို့တတွေ

” ကျွန်းမကြီး ” ကို အုတ်မြစ်ချခဲ့ကြခြင်းပါပဲ ။

ဆက်၍ အသက်သွင်းနေခြင်းပါပဲ ။

ပင်ပန်းရကျိုးနပ်ပါတယ်

ဆုံးရှုံးမှုအပေါင်း ရင်းနှီးရကျိုးနပ်ပါတယ်

ဒဏ်ရာ အနာတရ ဖြစ်ပျက်ခဲ့သမျှအလုံးစုံ

ဥုံဖွ မန်းစရာမလို ပျောက်ကင်းသလိုခံစားရပါတယ် ။

သွားနေဆဲလမ်းကြောင်းဟာ

ရိုးရှင်းဖြောင့်စင်းလှပါတယ်

အထက်အောက်မရှိ

အဆင့်အတန်းခွဲခြားမှုနတ္ထိ

မှီခိုခြင်းကင်းမဲ့စွာ လောင်းရိပ်မရှိ

ကိုယ့်ချွေးကို ကိုယ်ပြန်သောက်ရင်း

သင်္ကာမကင်း

သံသယအကြွင်းမဲ့ချစ်ခြင်းများနှင့်အတူ

ကဗျာချစ်သူအပေါင်းရဲ့ဝန်းရံအားပေးမှုများနဲ့

လက်ဆင့်ကမ်းလျှောက်လှမ်းနေပါတယ် ။

တမြေထဲ

တရေထဲ

တပြည်ထဲမှာ

ဘယ်နေရာမှာမဆို ဘယ်အခါမှာမဆို

ကဗျာ့အသံ ပျံ့လွင့်လာလေသမျှ

ကျွန်းမကြီးက

ဂုဏ်ယူမဆုံး ပီတိဖြစ်မဆုံး

မုဒိတာပွား၍မဆုံး

ဘဝင်နှလုံး ချမ်းမြေ့မဆုံးပါပဲ ။


ယုံကြည်ချက်ချင်း မတူကြ

ရပ်တည်ချက်ချင်း မတူကြ

ဖြတ်သန်းမှုချင်း မတူကြ

ရင်ခုန်သံချင်း မတူကြ

သို့ဆိုငြား …

မတူတာတွေအားလုံး ဘေးဖယ်ထားကြ

ကျွန်းမကြီးရဲ့နှလုံးသားရပ်ဝန်းမှာ

ဘယ်သူမှ သယ်မလာကြတာ

ရေခံ မြေခံကောင်းမှာ ပန်းကောင်းပွင့်သလို

တကယ့် အံ့သြဘွယ် ကြည်နူးစရာအတိပါပဲ ။


ထောက်ခံခြင်း

အားပေးခြင်း

ကန့်ကွက်ခြင်း … စ တာ တွေ

ကိုယ့်အဇ္ဈတကို ထုတ်ဖော်နေခြင်းသာဖြစ်လို့

အားလုံးပေါ် အမုန်းတရားမရှိ

ကျွန်းမကြီးက ဖြူစင်သောအပြုံးဖြင့် ကြိုဆိုပါတယ် ။


ကျွန်းမကြီးဆိုတာ

ကဗျာ့အသံနဲ့

ငြိမ်းချမ်းရေးအလံလွှင့်ထူရာ

ဝိမုတ္တိနယ်မြေတခုသာ ဖြစ်ပါကြောင်း

ကဗျာချစ်သူအပေါင်းတို့ … … … ။ ။