နေတတ်ရင် စင်ကာပူ – 
နှင်းခါးမိုး

.

ကဲ ဘော်ဒါတွေ
ကြက်ကိုကြော်တဲ့ကြက်ကြော် လာပြီနော်၊
မီးခိုးနဲ့ညှော်နံ့တင်လှည်းကလေး
တိုက်အောက်ရောက်ပြီ။

အမှိုက်ပစ်မယ် အမှိုက်
အမှိုက်လှည်းထဲက ကလေးက
သူမြင်သမျှကို အမှိုက်ပုံလို့ထင်တယ်
မြို့ကြီးလည်းအမှိုက်ပုံ
လူတွေလည်းအမှိုက်ပုံ၊
သူတို့သားအမိကိုမြင်ရင်
ထိုးထိုးဟောင်တဲ့ခွေးတွေကျတော့
သူ့သူငယ်ချင်းတွေလို့ထင်တယ်
ခဲနဲ့ပေါက်လိုက်၊ တုတ်နဲ့ပစ်လိုက်၊
မကုန်သေးတဲ့အားလူးကြော်ထုပ်ကို လုကောက်လိုက်၊
သူမနိုင်တော့ရင် အမေ့ဆီရောက်အောင်ပြေးပြီး အော်ငိုလိုက်
အမေက လှည်းထဲထည့်ပြီး လမ်းမတလျောက်တွန်းသွားတဲ့အခါ
တဝေါဝေါဖြတ်မောင်းသွားတဲ့မော်တော်ကားတွေကို
တယောက်ယောက်ကလှည်းထုတ်လိုက်တဲ့အမှိုက်ခွံကြီးတွေလို
တဟေးဟေးနဲ့ အော်ဟစ်ပျော်ရွှင်နေပြန်ရော။

မြို့ထဲကို အုန်းမွှေးလုံးကားကြီးတွေ တန်းစီဝင်လာပါပြီ၊
အဲဒီဆိုက်ကားသမားလေးဟာ စစ်သူကြီးဟန်နီဘောပဲ
ဘယ်အရာကမှ သူ့ကို မတားဆီးနိုင်ဘူး
တရပ်ကွက်လုံး သူ့ကိုဖုန်းခေါ်ရတယ်၊
အင်္ဂတေလောင်ထားတဲ့ခြေထောက်တွေဟာ
ဘီယာဆိုင်ကိုကျော်ပြီး အဖြူပုန်းဆိုင်လေးထဲ ချိုးဝင်သွားကြတယ်၊
မိန်းမဝဝကြီးတယောက်ဟာ ဘုရားပန်းတွေပိုက်လို့
ကွမ်းယာဆိုင်ဆိုတာ လိုင်းပေါင်းစုံဖမ်းလို့ရတဲ့ ရေဒီယိုတလုံးပဲ။

ကောင်မလေးက ငှက်ပျော်အူဖတ်ကြိုက်တယ်
ကောင်လေးက ငြုပ်သီးမှုန့်ကြောက်တယ်
အလုပ်ကအပြန် ကားနောက်ကျတဲ့ညနေတိုင်း
မုန့်ဟင်းခါးဆိုင်လေးထဲကညစာဟာ
တခါတခါ ကြိတ်ရယ်သံလေး ထွက်လာတယ်
တခါတခါ ကြိတ်ငိုသံလေး လွင့်လာတယ်။

တနိုင်ငံလုံးလင်းဖို့ ဓာတ်အားမလုံလောက်ပေမဲ့
အမေတယောက်ရဲ့နှလုံးသားကိုပြာချဖို့တော့ ဗို့အားကပြည့်တယ်။
အခုသစ်ကိုင်းတွေခုတ်ထားတဲ့နေရာမှာ
မနေ့က ကျောင်းဆင်းလာတဲ့သားကလေး အိမ်ကိုပြန်မရောက်ခဲ့ဘူး။

လမ်းသွားရင်း ကော်မန့်မရေးပါနဲ့မိန်းကလေးရယ်
ဝင်လာတဲ့မက်ဆေ့တိုင်း မင်းဘဝနဲ့ဆိုင်တာမဟုတ်ဘူး၊
တရာတန်ငပိထောင်းတဗူးနဲ့ သီးစုံဟင်းတထုပ်ပါလာရင်
ဒီညနေဖြစ်မယ့်စစ်ကို မနက်ဖြန်ရွေ့ထားလို့ရတယ်။

တံခါးကို တဝက်ဟထားတဲ့အခါ၊

နှင်းခါးမိုး

Credit @ http://nykomme.blogspot.com