တဝက်တပျက် တော်လှန်ရေး – 
အောင်ထိုက်

.

တဝက်တပျက် ကြက်ဥကျော်က ကောင်းတယ်
တဝက်တပျက် လိင်မှုကိစ္စက ဒဏ်ရာပဲ
တဝက်တပျက် ဇာတ်လမ်းက ဘာဆက်ဖြစ်ဦးမှာလဲ

တဝက်တပျက် ထမင်းအိုး သွန်ပစ်ရတယ်
တဝက်တပျက် အနမ်းက အလွမ်းတာရှည်တယ်
တဝက်တပျက် အသိဉာဏ်က ဇောက်ထိုးမိုးမျှော်
တဝက်တပျက် ဆက်ဆံရေးမှာ ယုံကြည်မှု ဇဝေဇဝါ

အနာနဲ့ဆေး တဝက်တပျက်
ကောင်းကင်ကြီး တဝက်တပျက်
လမ်းခရီး တဝက်တပျက်
ဆောက်လက်စ အိမ်ကြီး တဝက်တပျက်

အချစ်နဲ့အမုန်း တဝက်တပျက်
အစိမ်းနဲ့အနီ တဝက်တပျက်
မျိုးစေ့ကို တဝက်တပျက်ထဲ ထိုးထည့်မှာလား

မျှော်လင့်ချက် တဝက်တပျက်ထဲက ခေါင်းပြူကြည့်တယ်
အမှောင် တဝက်တပျက် ဖြစ်သွားအောင်
အလင်း တဝက်တပျက် ရောထားတယ်

ဆေးလိပ် တဝက်တပျက် ဖြတ်ရင်
ကျန်းမာရေး တဝက်တပျက် ကောင်းလာမှာလား
တရား တဝက်တပျက် ထိုင်ရင်
ဒုစရိုက် တဝက်တပျက် ကျေရဲ့လား

အခန်းထဲမှာ
တဝက်တပျက် လူတွေ ခေါင်းချင်းဆိုင်နေတယ်
တဝက်တပျက် အဖြေတွေကို
တဝက်တပျက် လက်ခုပ်သံတွေ လှိုက်လှိုက်လဲလဲ

ထမင်း တဝက်တပျက်နဲ့ ခံတွင်းပျက်တာလဲကြာပြီ
ည တဝက်တပျက်နဲ့ အအိပ်ပျက်တာလဲကြာပြီ
ပုံပြင် တဝက်တပျက်နဲ့ မျှော်ရတာလဲကြာပြီ

ကျင်းလဲ နက်ပါပြီ
ရေ မထွက်သေးတာ တခုပဲ

ဒါက ဒီလိုရှိပါတယ်
တော်ပါတော့
မင်းတို့ တဝက်တပျက်။

အောင်ထိုက်