နွေတည မြစံပါယ်ရုံနှင့် ရေဆန်လမ်းပေါ်က နိုင်ဝင်းဆွေ – 
ငြိမ်းဝေ(ကဗျာ့အိုးဝေ)

.

( ၁ )

၉၇၂ ခု၊ နွေနံနက်ခင်းတခု…။
ကိုစန်းမောင် (ယခု တရားရုံးချုပ်ရှေ့ နေ၊ပဲခူး)၏ ခေါင်းဆောင်မှုဖြင့် ဝါးထရံကာ ခြံတခုအတွင်းဝင်လာစဉ် ကျနော်တို့သည် နှင်းဆီခင်းတခုဘေးမှ လျှောက်လာခဲ့ကြ၏။ သုံးဘက်သုံးတန် ထရံကာ ဝါးကြမ်းခင်းတဲတလုံးရှေ့ တွင် လူငယ်တချို့ ရောက်နှင့်နေကြပြီ။ တချို့ တဲပေါ်တွင်ထိုင်လျက်။ တချို့ တဲအောက်တွင်ရပ်လျက်။ တဲရှေ့ နေပူအောက်တွင် ရွှံ့ များပေရေချောက်ကပ်နေသည့် စားပွဲတလုံး။ စားပွဲဘေးတွင်မူ ထိုင်စရာကုလားထိုင် မရှိ။

ကျ နော်က သူ့ ကိုတွေ့ ချင်နေသည်။ ရောက်ရောက်ချင်း လူအုပ်အတွင်း သူ့ ကို စိတ်အထင်နှင့်လိုက်ရှာကြည့်မိသည်။ ခန့် မှန်းလို့ မရ။ မအောင့်နိုင်၍ ကိုစန်းမောင်ကို မေးကြည့်မှ သူသည်အပြင်ခဏသွားနေကြောင်းသိရ၏။ ဧည့်သည်တွေကို သည်အတိုင်းထားကာ ဘာ့ကြောင့် အပြင်ထွက်နေပါလိမ့်ဟု တွေးမိသေးသည်။ အိမ်ရှင်ဖြစ်သူ သူ့ ကို ကျနော် တွေ့ ချင်နေသည်။

ကျ နော်နှင့်အသက်အရွယ်မတိမ်းမယိမ်း လူငယ်တချို့ ရောက်လာကြပြန်သည်။ မြင်ဖူး သိဖူးသူများလည်းပါသည်။ မမြင်ဖူးသူများလည်းပါသည်။ ဆရာ ဗန်းမော်တင်အောင် က ရောက်လာပြီးမှ ပြန်သွားသည်ဟု သိရ၏။ ဘာ့ကြောင့်ပြန်သွားရတာလည်းဟု မေးချင်သော်လည်း မမေးသင့်ဟုယူဆကာ မြိုသိပ်ထားလိုက်၏။

တဲ ပေါ်ကလူငယ်တချို့ ကြားတွင် အသက်ငါးဆယ်အရွယ်လူတဦးထိုင်နေသည်ကို တွေ့ ရသည်။ အသားဖြူဖြူ ဆံပင်ကောက်ကောက် မျက်မှန်တပ်ထား၏။ စိတ်ထဲ၌မြင်ဖူးသည်ဟု ယူဆနေစဉ် “ အဲဒါ ဆရာဒဂုန်တာရာလေကွာ ” ဟု ကိုစန်းမောင် ပြောပြမှ ကျနော် သူ့ ကို မှတ်မိသွားခဲ့သည်။ တဲရှေ့ တွင် ယာယီထင်းမီးဖိုတခုပြုလုပ်ကာ ထမင်းအိုးကြီးတလုံး တည်ထားသည်ကို တွေ့ ရ၏။ခြံဝန်းတခုလုံးနီးပါး နှင်းဆီပင်များ စနစ်တကျစိုက်ထားသည်ကိုလည်း တွေ့ ရ၏။ ရဲရဲနီသောနှင်းဆီပွင့်များ အပင်တိုင်းလိုလိုမှာ ပွင့်လျက်ရှိနေသည်။

နာ ရီဝက်ခန့် ကြာသောအခါ လူတယောက် ခြံဝန်းအတွင်း ခြေလှမ်းကျယ်ကျယ်လှမ်းကာ ဝင်လာသည်ကို တွေ့ ရသည်။ အသက်အရွယ်မှာ နှစ်ဆယ့်ငါးနှစ်ခန့် ရှိသူ။ အနားရောက်တော့ အသားခတ်ညိုညို ခတ်ရေးရေးအပြုံး။ တစုံတယောက်က “ ဟော ပြန်လာပြီဗျ ” ဟု ပြောလိုက်သည်။ သူက လက်ထဲမှ အထုပ်တထုပ်ကိုမြှောက်ပြကာ “ ဧည့်သည်တွေကို အမဲသားနဲ့ သင်္ဘောသီး ချက်ကျွေးချင်လို့  ဈေးသွားလိုက်တာပါ ” ဟု ပြောပြောဆိုဆို ကျနော့်ဘေးတွင် လာ၍ရပ်လိုက်လေသည်။ သူ့ ကို ကျနော် စတင်မြင်တွေ့ သိကျွမ်းရခြင်း။ စာရေးဆရာ နိုင်ဝင်းဆွေ…။

ထို အချိန်က နိုင်ဝင်းဆွေမှာ နိုင်ငံကျော်စာရေးဆရာတယောက်ဖြစ်နေပြီ။ …အပစ်အခတ်၊ အညစ်အပတ်၊ အညှစ်အသတ် ဝတ္ထုများမဟုတ်။ ဘဝသရုပ်ဖေါ်ဝတ္ထုများကိုသာ ရေးဖွဲ့ သူ။ သူသည်ကား အသက် ဆယ့်ခွန်နှစ်နှစ်အရွယ်၌ “ မဟူရာ မေတ္တာ ” ကို ရေးဖွဲ့ ခဲ့သူ။ “ မသိန်းရှင်ဆီပို့ ပေးပါ ” “နွေတည ” “မြစပယ်ရုံ ” “ညအသင်္ချေမှာ ” အစရှိသော ဝတ္ထုများဖြင့် မြန်မာစာပေလောကကို လှုပ်လှုပ်ရှားရှားဖြစ်စေသူ။

ကျ နော်တို့ သည် စာရေးဆရာ နိုင်ဝင်းဆွေ၏ မြောက်ဥက္ကလာပ နှင်းဆီခြံကလေးအတွင်းမှ သူနေထိုင်အိပ်စက်သောတဲကလေးတွင် “ စာပေဆည်းဆာ ” ကို မွေးဖွားခဲ့ကြ၏။ ဤတဲကလေးတွင် “ မိုးဝေစာပေမဂ္ဂဇင်း ” အပေါ်မှီကာ နိုင်ငံအနှံ့  စုစည်း၍ရနိုင်သမျှ စာရေးသူလူငယ်လေးဆယ်ကျော်တို့  တွေ့ ဆုံခဲ့ကြသည်။ ထိုလူငယ်များမှာ အကြောင်းကြောင်းကြောင့် မိုးဝေစင်မြင့်မှခွါရန် အားလုံးဆုံးဖြတ်ခဲ့ကြသောနေ့ ။ အခြားမဂ္ဂဇင်းများတွင်လည်း စာမရေးချင်ကြ။ သည်ကြားထဲ အုပ်စိုးသူက စကားပြေတွင်သာမက ကဗျာက်ိုလည်း စကားလုံး တလုံးချင်းစီခွဲ၍ ဖြတ်တောက်စီစစ်ခြင်းများ ပြုလုပ်လာခဲ့ပြီ။

ထို စဉ်က ကျနော်တို့ အကြားတွင် နိုင်ငံရေးကိစ္စ ဆွေးနွေးရန်အကြောင်းမရှိ။ မည်သူ့ ကို ဦးတည်ရမည်၊ မည်သူ့ ဘက်က အသိရှိရှိရပ်ရမည်ဆိုသည့် ကိစ္စအပေါ် အငြင်းပွါးရန်မလိုတော့။ သို့ သော် စာမျက်နှာအခက်အခဲကိစ္စ အတတ်ပညာကိစ္စ ပြန့် နှံ့ ရေးနှင့် မြှင့်တင်ရေးကိစ္စ အစရှိသည်တို့ အတွက်မူ ငြင်းကြခုန်ကြရ၏။ အများစု တူညီမှုရလျင် အလုပ်လုပ်ရန် ဆုံးဖြတ်ကြ၏။ 

ထို “ စာပေဆည်းဆာ ” လှုပ်ရှားမှု၏ အသီးအပွင့်များအဖြစ် နေရာဒေသအလိုက် ကဗျာစာအုပ်များထုတ်ကြ၏။ “ နွေဦးသစ်မှာပေါ်တဲ့ပွင့်သစ်၊ မတ်လအရိပ်၊ မိုးရိပ်လေရိပ် (ရန်ကုန်) ” ၊ “ တောင်ညိုခင်တန်း (ပျဉ်းမနား) ” ၊ “ ဒီရေ ၊ ဆီးပွင့် (ပဲခူး) ” ၊ “နေထဲကလ၊ သစ်ရွက်သေများပေါ်က ရက်စက်သောဂီတ (ရန်ကုန်) ” ကဗျာစာအုပ်များ ထွက်ပေါ်လာခဲ့ကြပါသည်။ ဖယောင်းပုံနှိပ်စာအုပ်များအဖြစ် ထုတ်ဝေခဲ့ကြရခြင်းဖြစ်သည်။

မှ တ်မှတ်ရရ…ထိုနေ့ က အနယ်နယ်အရပ်ရပ်က ရောက်လာသော လူငယ်လေးဆယ်ကျော်အနက် “ နိုင်ဝင်းဆွေ ” မှာ တဦးတည်းသော စကားပြေသမား။ ကျန်သူအားလုံး ကဗျာရေးသူများချည်းဖြစ်ကြလေသည်။ ထိုနေ့ မှစ၍ သူ့ ကို ကျနော်က အများနည်းတူ “ ကိုနိုင်ဝင်း ” ဟူ၍ပင် ခေါ်ဝေါ်ဆက်ဆံခဲ့ပါသည်။

( ၂ )

၉၇၃ ခု၊ ဆောင်းလည်တနေ့ …။
ပဲခူးမြို့ ရွှေမေါ်ဓေါဘုရား ရင်ပြင်တော်ပေါ်တွင် ဘုရားဖူးလာသူ ကျဲပါးလျက်ရှိ၏။ လူငယ်နှစ်ဆယ်ကျော်ခန့် သည် ဘုရားအနောက်ဘက်သို့ ဆင်းရာ တန်ဆောင်းအနီး ခရေပင်ကြီးတပင်အောက်တွင် ဝိုင်းစုပြီး ထိုင်နေကြ၏။ လူသုံးယောက်မှာ လူအုပ်နှင့် မျက်နှာချင်းဆိုင်ကာ အနည်းငယ်ခွါ၍ထိုင်နေ၏။ လူအုပ်နှင့်ထိုသူသုံးဦးကြားတွင် လဘက်ရည်ကြမ်းအိုးနှစ်လုံး၊ လဘက်သုပ်တပွဲ၊ ဆေးလိပ်တစည်းချထား၏။ လူငယ်နှစ်ဆယ်ကျော်ခန့် ရှေ့ တွင် ထိုင်နေကြသူသုံးဦးမှာ…ရန်ကုန်မှလာကြသော စာရေးဆရာ ကဗျာဆရာများဖြစ်ကြ၏။ စာရေးဆရာ နိုင်ဝင်းဆွေ၊ ထက်မြက် ၊ ကဗျာဆရာ အောင်ဇင်မင်း။

သူ တို့ သုံးဦးရောက်မလာခင် ဆယ်ရက်ခန့် က ကျနော်တို့ ဆီသို့ “ မိုးကြိုမုန်တိုင်း ” ဝေဖန်ရေးစာမူတခု ရောက်လာခဲ့၏။ ထိုစာမူကို ပဲခူးမြို့ ပေါ်က စာပေဝါသနာရှင်လူငယ်များ တလှည့်စီ ဝိုင်းစုပြီးဖတ်ကြရ၏။ အလှည့်မဆုံးသေးခင်မှာပင် “ မိုးကြိုမုန်တိုင်း ” မှာ ကျနော်တို့ ကြား၌ ဗုံးတလုံးပေါက်ကွဲသလို ဖြစ်လာခဲ့၏။ ငြင်းကြ ခုန်ကြ စိတ်ဆိုးကြရ၏။ သည်လိုနှင့် “ မိုးကြိုမုန်တိုင်း ” ဖန်တီးသူများထဲမှ ကိုယ်စားလှယ်သုံးဦးရောက်လာကာ ရွှေမော်ဓေါဘုရား ယင်ပြင်တော်ပေါ်တွင် စာပေဆွေးနွေးပွဲ ပြုလုပ်ကြရလေသည်။

ကျ နော်နှင့် ကိုစန်းမောင်က လူငယ်တချို့ ကိုခေါင်းဆောင်ကာ “ မိုးကြိုမုန်တိုင်း ” အပေါ် ဝေဖန်ထောက်ပြနိုင်ဖို့ ကြိုးစားကြ၏။ ကျနော်တို့ သည် “ ဝေဖန်ရေးနှင့် မိမိကိုယ်မိမ်ိ ဝေဖန်ရေး ” ကို လက်ခံသည်။ သို့ သော် “ မိုးကြိုမုန်တိုင်း ” မှာ ဝေဖန်ရေးမဟုတ်။ ယင်း၏ အမှာစာအရပင် ဤစာအုပ်မှာ “ အဟောင်းကို ဖါထေးခြင်းမဟုတ်၊ ငှက်မွှေးနှင့်သပ်ခြင်းမဟုတ်၊ အမြစ်ကလှန်၍ အငုတ်မကျန်အောင် တိုက်လှန်ခြင်းဖြစ်သည် ” ဟု ဆိုထားသဖြင့် စည်းတားခြင်းဖြစ်ကြောင်း။

သည် လိုလုပ်လျှင် အတွင်းစည်းဖြေရှင်းနည်းမဟုတ်တော့ပဲ ရန်,ငါ သဘောဖြစ်နေကြောင်း။ အထူးသဖြင့် ဆရာဗန်းမော်တင်အောင်နှင့် ဆရာဒဂုန်တာရာတို့ နှစ်ဦးအပေါ် ဒီလိုလုပ်ဖို့ မသင့်ကြောင်း။ လုပ်လျင်လည်း မှားသည်ဟုယူဆကြောင်း၊ စာအုပ်အဖြစ် ထုတ်ဝေဖို့ မသင့်ကြောင်း ဝိုင်းဝန်းကန့် ကွက်လိုက်ကြ၏။ ထိုနေ့ က ဤသို့ မဆုံတွေ့ ခင်ကပင် ကြိုတင်ညှိနှိုင်းထားပြီးဖြစ်သဖြင့် ကျနော်တို့ ဖက်မှ ရှည်ရှည်ဝေးဝေးမပြောလိုက်ရပဲ ဆွေးနွေးပွဲမှာနိဂုံးချုပ်သွားခဲ့လေသည်။ .(နော်တွင် မိုးကြိုမုန်တိုင်းသဘောထားကို ကိုအောင်ဇင်မင်းက လက်မခံကြောင်း ကြားရ၏။)

ဘု ရားရင်ပြင်တော်ပေါ်မှအဆင်း နိုင်ဝင်းဆွေသည် ကျနော့်ပခုံးကိုဖက်ကာ “ အေးဗျာ ဒီလိုအယူအဆမတူကြရတာ ကျနော်လည်းစိတ်မကောင်းဘူး ” ဟု တတွတ်တွတ်ပြောလာခဲ့၏။ ကျနော်တို့ အထဲမှ လူငယ်တချို့ က နိုင်ဝင်းဆွေ၏ လက်ကိုဆုပ်ကိုင်ကာ နှုတ်ဆက်စကားပြောနေကြ၏။ ဆိုက်ကားနှစ်စီးဖြင့်ထွက်ခွါသွားကြသူ သူတို့ သုံးဦးကိုကြည့်ကာ ကိုစန်းမောင်က ခေါင်းကိုခါ၍ စိတ်ပျက်သလို ရပ်နေလေသည်။

နာက် ခြောက်လခန့် အကြာတွင် “ မိုးကြိုမုန်တိုင်း ” စာအုပ်ထွက်လာ၏။ သည့်နောက်ပိုင်း နိုင်ဝင်းဆွေနှင့်ကျနော်တို့ မှာ ခပ်တန်းတန်းဖြစ်လာကြရ၏။ ပဲခူးမြို့  စာပေဝါသနာရှင် လူငယ်များထဲမှ ငါးဦးခန့် မှာ(က ဗျာဆရာ စိုးမိုးတင်-ခရေ အပါအဝင်)လည်း “ မိုးကြိုမုန်တိုင်း ” ကို ထောက်ခံသည်ဟုဆိုကာ ကျနော်တို့ နှင့် ခေါ်ပြောနှုတ်ဆက်သာသာ ဖြစ်သွားခဲ့လေသည်။

( ၃ )

၉၇၈…၊
နိုင်ဝင်းဆွေ တို့  “ ပန်ဆန်း ” သို့ ထွက်ခွာသွားကြကြောင်း ကြားရသည်။ သူတို့ နှင့်အတူ ပဲခူးမှ စိုးမိုးတင်-ခရေ လည်း လိုက်ပါသွားခဲ့၏။ ကိုစန်းမောင်မှာ ရှေ့ နေလုပ်နေ၏။ စာရေးဆရာ သခင်မြသန်း တောတွင်းတနေရာတွင် ဖမ်းမိ၍ ရုံးတင်သောအခါ ရှေ့ နေလိုက်ပေးခြင်းဖြင့် ပဲခူးတွင် ထင်ရှားသည့်ရှေ့ နေတဦးဖြစ်လာခဲ့၏။

ကျ နော်သည် အစိုးရဝန်ထမ်း မူလတန်းပြကျောင်းဆရာဘဝကိုစွန့် ခွါကာ စစ်တောင်းမြစ်ဘေး၊ “ ဘွားအေစု ” ခေါ် တံငါရွာကလေးတွင် ရွာငှါးကျောင်းဆရာအဖြစ် ရှိနေခဲ့၏။ “ မိုးဝေ မဂ္ဂဇင်း ” တွင် ရေးဖေါ် ကဗျာဆရာများ စာပြန်ဝင်ရေးလာကြသည်ကို တွေ့သဖြင့် ကဗျာတပုဒ်စ နှစ်ပုဒ်စနှင့် ဝတ္ထုတိုတပုဒ်ကို မဂ္ဂဇင်းစာမျက်နှာပေါ် တင်လိုက်မိသေး၏။ သို့ သော် အယ်ဒီတာ က မိမိ၏ “ နှလုံးသားထဲက ပန်းချီကားချပ်များ ” ဝတ္ထုတိုအပေါ် မလိုအပ်ပဲ ဖြတ်တောက်ဖေါ်ပြသည်ကို မကျေနပ်သဖြင့် “ မိုးဝေ ” သို့  စာမူများ နောက်ထပ်ပြီးမပို့ တော့။

( ၄ )

ယ်တုက္ခီစမ်းချောင်းရေမှာ ကြည်လင်လွန်းလှသည်။ ကျနော်က ကျောက်တုံးတခုပေါ်တွင် အဝတ်ဖွပ်နေစဉ် ချောင်းစပ်သို့ ဆင်းလာသည့်လူသံကြောင့် မေါ့ကြည့်မိ၏။ လူတယောက် လက်ဆွဲသားရေအိပ်တလုံး ပခုံးတွင်လွယ်ကာ ဘောင်းဘီကို မတင်ဆွဲစုလျက် ချောင်းထဲသို့ ဆင်းလိုက်သည်။ သူ့ နောက်မှအမျိုးသမီးတဦးက ရေထဲသို့ ဆင်းရန် ထမိန်စကိုဆွဲနေ၏။

ချောင်းထဲသို့ ဆင်းလာသူသည် ကျနော့်ကို တချက်လှမ်းကြည့်ပြီးမှ တဖက်သို့ မျက်နှာလွှဲသွား၏။ ခြေလှမ်းနှစ်လှမ်းခန့် သွားပြီးမှ ကျနော့်ဖက်သို့ တဖန်မျက်နှာပြန်လှည့်လာခဲ့၏။ ကျနော်တို့ နှစ်ဦး မျက်လုံးချင်း ဆုံမိသွားကြသည်။

“ ဟာ ကိုနိုင်ဝင်း ”
“ ဟေး..ကိုငြိမ်းဝေ၊

င်ဗျားရောက်နေတာ လှေဆိပ်မှာကတည်းက ကြားတယ်၊ ကျနော် မဲဆောက်ကို ကိစ္စတခုရှိလို့ သွားနေတာပါ၊ ဒါ ကျနော့်အမျိုးသမီး ပန်ဆန်းမှာ ကျနော် အိမ်ထောင်ကျခဲ့တာ ၊ ရေချိုးပြီးရင် အိမ်ကိုလိုက်ခဲ့ဗျာ၊ စကားလေး ဘာလေး ပြောကြရအောင် ”

မယ်တုက္ခီစမ်းချောင်းထဲတွင် နိုင်ဝင်းဆွေ၏အသံကို ကျနော်က ယ္ခင်တုန်းကနှင့် တူမတူ မဝေခွဲတတ်အောင် ဖြစ်နေခဲ့လေသည်။
၁၉၉၂ ၊ စက်တင်ဘာလ ၂၂ ရက် ၊ မာနယ်ပလော…။

( ၅ )

လွန် ခဲ့သော အနှစ်နှစ်ဆယ်ကို ပြန်ရောက်သွားကြသည်။ 
ထိုစဉ်က ကျနော်က အသက်နှစ်ဆယ်ကျော်။ သူက ကျနော့်ထက် အသက်ငါးနှစ်ခန့် ကြီးသူ။ ကျနော်က ကဗျာတပုဒ်စ နှစ်ပုဒ်စသာ ရေးစပြုသူ။ သူက နိုင်ငံကျော် စာရေးဆရာဖြစ်နေပြီ။ သူသည် တခါတရံ ပဲခူးသို့ ရောက်လာတတ်၏။ သူနှင့်ကျနော် ပန်းချီကိုတင်ဦးနှင့်အတူ မဟာစေတီဘုရားကြီး၏ ငှက်ပျောဖူးပေါ်တက်ကြ၏။ ကိုတင်ဦးက ပဲခူးမြို့ အပေါ်စီးကို ပန်းချီဆွဲနေစဉ် သူနှင့်ကျနော်က အိန်ဂျယ်၏ “ ပုဂ္ဂလိက အိမ်ထောင်မှုအစ အစိုးရတို့ ၏ မူလဘူတ ” စာအုပ်အပေါ် အခြေအတင် ငြင်းခုန်ခဲ့ကြ၏။

သူ သည် သူ့ ဝတ္ထုများနှင့်ပတ်သက်ပြီး ကျနော်နှင့် တကြိမ်တခါမျှ ငြင်းခုန်ဖူးခြင်းမရှိခဲ့။ သူက သူရေးခဲ့ပြီးသမျှ ဝတ္ထုများကို ကျနော်က ဝေဖန်လျင် ပြုံးစိစိမျက်နှာထားနှင့်သာ နားထောင်နေတတ်၏။ တခါက “ နွေတည နှင့် မသိန်းရှင်ဆီပို့ ပေးပါ ” ဝတ္ထုများထဲက ဇာတ်သိမ်းပိုင်းမျိုး နောက်ထပ်ပြီး မရေးပါနဲ့ တော့လား ကိုနိုင်ဝင်းရယ်..ဟု ကျနော်က မျက်ရည်တလည်လည်နှင့် တောင်းပန်တော့ သူက ကျနော့်ကို သနားစရာသတ္တဝါတဦးလို ပြန်ကြည့်နေခဲ့၏။ ထိုစဉ်အချိန်က သူသည် ၁၉၇ဝ၊ ၈ဝ ဆယ်စုနှစ်တခုအတွင်း စကားပြေအရေးအသား အကောင်းဆုံးစာရေးဆရာအဖြစ် နာမည် ကြီးနေလေပြီ။

ခုအခါ သူနှင့်ပြန်ဆုံစဉ် သူ့ ဝတ္ထုများထဲမှ အရေးအသားတချို့  စကားလုံးတချို့ က်ို ကျနော်က ပြန်ရွတ်ပြတော့ သူကမေ့တေ့တေ့…။ ကျနော် ဒီလိုရေးခဲ့သလားဟု ကျနော့်ကို ပြန်မေးနေသေး၏။
သူနှင့် ကျနော်တို့ နှစ်ဦး၏ ငယ်စဉ်က အဖြစ်အပျက်များမှာ တချို့ လင်း၊ တချို့ မှိန်၊တချို့ ပျောက်နေ၏။ သူသည်ကား ကျနော့်ထက် ဆယ်နှစ်ကျော်စောကာ ခရီးရှည်ထွက်ခဲ့သူ။

သူ နှင့်တွေ့ မှပင် ဒိုက်ဦးကိုအောင် မာနယ်ပလောကို ခေတ္တလာပြီး ပန်ဆန်းကိုပြန်သွားကြောင်း သိရ၏။ ကျောက်တံခါး ကိုစံဦးတစ်ယောက် ကျောက်တံခါး N L D တွင် ဥက္ကဌလုပ်နေကြောင်း သူ့ ကိုပြောပြတော့ သူက ရယ်နေလေသည်။ စိုးမိုးတင်-ခရေ မှာ တရုပ်ပြည်နယ်စပ်တွင် သောင်တင်နေပြီ။ နံ့ သာလှဆွေက ယ္ခုအခါ မြက်ခင်းသစ်တွင် ရွှေတညာအမည်နှင့် စာတွေဝင်ရေးနေပြီ။

စာ ပေဆည်းဆာမှာ သုံးအုပ်စု ကွဲသွားခဲ့ကြောင်း၊ တအုပ်စုက “ ပန်ဆန်း ” သို့ ထွက်ခွါကာ ကျန်နှစ်အုပ်စုမှာ စာပေနယ်တွင် အခိုင်အမာရပ်တည်နေဆဲ ဖြစ်ကြောင်း ပြန်လည်သုံးသပ်မိခဲ့ကြ၏။ “ မိုးကြိုမုန်တိုင်း ” ကိစ္စပေါ်ပြီးနောက် သူနှင့်ကျနော် အနေတန်းခဲ့ကြပုံ၊ သူက ပန်ဆန်းကို ထွက်ခွာပုံ၊ ပန်ဆန်းမှတဆင့် မာနယ်ပလောကို သူ ရောက်ရှိလာပုံ၊ ၁၉၉ဝ ခု။

မာ နယ်ပလောတွင်(၂)နှစ်ကျော်နေပြီးမှ “မဟူရာမေတ္တာ ” လို လုံးချင်းဝတ္ထုရှည်ကြီးတပုဒ်ရေးမည်ဟုဆိုကာ ရဟန်းဝတ်ခဲ့၏။ ရဟန်းဝတ်နှင့်နေစဉ် “ မဟူရာမေတ္တာ ” ဝတ္ထုကြီးရေးစဉ်က သမာဓိတည်ဆောက်ပြီးမှ ရေးခဲ့သလို ယ္ခုလည်း သမာဓိယူမည်ဟုဆိုကာ အပြင်းအထန် တရားထိုင်ခဲ့၏။ (၆)လခန့် အကြာတွင် ငှက်ဖျားရောဂါ ခံစားရပြီး ကျန်မာရေးချို့ ယွင်းလာခဲ့၏။

သူ သည် ညပေါင်းများစွာအိပ်စက်ခြင်းမပြုပဲ နေ၏။ ရဟန်းဘဝမှ လူဝတ်လည်းလိုက်သော်လည်း သူ့ ကျန်းမာရေးမှာ ပိုပြီးကောင်းမလာခဲ့။ အထူးသဖြင့် ငှက်ဖျားရောဂါပျောက်သွားသော်ငြားလည်း စိတ်ဖိစီးမတည်ငြိမ်မှုမှာ ကျန်နေခဲ့၏။

သူ့ အပေါ် လေးစားသူတချို့ က သူ့ ကို ဆေးကုသပေးရန်ကြိုးစားကြ၏။ သူက နည်းအမျိုးမျိုးဖြင့် ငြင်းဆန်၏။ နောက်ပိုင်းတွင် သူ့ အပေါ် အလေးအနက်ထားသူတို့ ကိုပင်လျင် သူက လက်ခံစကားပြောခြင်းမပြုတော့။ ထိုစဉ်အချိန်က ကျနော့်အဖို့ ရာမှာလည်း သူ့ ကို ထိထိရောက်ရောက် ကူညီနိုင်သည့် ဘဝအခြေအနေမျိုးမဟုတ်။ ကျန်းမာရေးသိသိသာသာချို့ တဲ့လာစဉ် သူသည် ကျနော့်ကိုလည်း အိမ်သို့ မလာရန်တားမြစ်ခဲ့လေသည်။

( ၆ )

၉၉၅ ၊ ဖေဖော်ဝါရီလ ..။
မာနယ်ပလော ကျဆုံးပြီးနောက် နိုင်ဝင်းဆွေ ကို ထိုင်းနိုင်ငံ နယ်စပ်ကျေးရွာ၊ “ ဖွေးပေါလူ ” ရွာတွင် နောက်ဆုံးအကြိမ်အဖြစ် ကျနော် တွေ့ ခဲ့ရပါသည်။ 

ထို စဉ်က စစ်ပြေးဒုက္ခသည် ထောင်ပေါင်းများစွာ ထိုင်းနိုင်ငံအတွင်းပိုင်းသို့  တောတောင်များကိုဖြတ်ကာ ထွက်ပြေးနေကြရချိန်ဖြစ်သည်။ သူ့ ကို မိတ်ဆွေတစ်ဦး၏အိမ်တွင်ရောက်နေသည်ဟု ကြားသဖြင့် သွားတွေ့ ခဲ့သည်။ သူက မည်သူ့ ကိုမျှ လက်ခံစကားပြောခြင်းမပြု။ ဘုရားစင်ရှေ့ တွင် တဦးတည်း တိတ်ဆိတ်စွာထိုင်နေသည်ကို တွေ့ ရသည်။ သူ့ မိသားစုနှင့်သူမှာ တကွဲတပြားစီ ဖြစ်နေကြပြီ။ သူ့ ကို ဓါတ်ပုံရိုက်ယူရန်ကြိုးစားကြည့်တော့ သူက ပြင်းပြင်းထန်ထန်ကန့် ကွက်၏။

သူ နှင့်တွေ့ ပြီး နှစ်ရက်အကြာ ကျနော်သည်လည်း ထိုင်းနိုင်ငံမြောက်ပိုင်းသို့  ထွက်ခွါရ၏။ သူ့ ကို နှုတ်မဆက်ပဲ ခွဲခွါခဲ့ရ၏။ ဖွေးပေါလူရွာမှ ကားကြုံနှင့် ထွက်ခွါလာသည့် ညနေဆည်းဆာအချိန် ကားပေါ်တွင်ထိုင်ရင်း သူ့ အတွက် စိုးရိမ်နေခဲ့မိသည်။ ကျနော့်မှာလည်း လုပ်ငန်းတာဝန်များနှင့်အတူ ထိုင်း နယ်ခြားစေါင့်တပ်များကို မျက်ခြေဖြတ်ကာ သက်စွန့် ဆံဖျား ထွက်ခွါလာနေရသဖြင့် သူ့ ကို မည်သို့ မျှ မကူညီနိုင်ခဲ့။ အမှန်တကယ်ပြောရလျင် ကျနော့်အခြေအနေက သူ့ကို မဖြစ်မနေ ခေါ်ထုတ်သွားနိုင်လောက်အောင်လည်း အခွင့်အာဏာ မရှိခဲ့။ သူကလည်း အကြမ်းဖက်ခေါ်ဆောင်မှသာ လိုက်မည့်ပုံမျိုးဖြစ်နေသဖြင့် မလွှဲသာပဲ ထားခဲ့ရ၏။
ဖွေးပေါလူရွာမှအထွက် ရွာဖက်သို့ ပြန်လှည့်ကြည့်သောအခါ ရွာပေါ်တွင် မီးခိုးများအူလျက်ရှိသည်ကို တွေ့ ခဲ့ရ၏။

( ၇ )

ကားပြောခွက်ကို ပခက်ပေါ်ပြန်တင်ပြီးသည်အထိ ပဒိုမန်းရှာ( ကရင်အမျိုးသားခေါင်းဆောင်တစ်ဦး ယခု လုပ်ကြံခံခဲ့ရ) ၏ စကားသံမှာ နားထဲ၌စွဲနေ၏။ ပဒိုမန်းရှာ၏အသံမှာ ဝမ်းနည်းကြေကွဲနေပုံ ရပါသည်။

“ ကိုငြိမ်းရေ … ဆရာနိုင်ဝင်းဆွေ တော့ ဆုံးရှာပြီဗျာ…” တဲ့။

နိုင်ငံကျော်စာရေးဆရာ ဗိုလ်မှူးချစ်ကောင်း က သူ၏ “ အနှစ် နှစ်ဆယ် ” စာအုပ်အစတွင် “ တိုင်းပြည်အတွက် အနှစ် နှစ်ဆယ်မျှ အလုပ်လုပ်လာပြီးနောက် မိမိကိုယ်မိမိ ကြည့်လိုက်သောအခါ ကြိုးတိုက်ထဲတွင် ရောက်နေသည်ကို တွေ့ ရသည်…” ဟု ရေးခဲ့၏။

ကျနော်တို့ အဖို့ မူ အနှစ် နှစ်ဆယ်မျှ စာပေချစ်စိတ်ဖြင့် အရူးအမူးနေလာကြပြီးနောက် ကိုယ့်ကိုယ်ကို ပြန်ကြည့်လိုက်သောအခါ နိုင်ဝင်းဆွေ က ထိုင်းမြန်မာနယ်စပ် တောအုပ်အတွင်း သေဆုံးခဲ့ရပြီး ကျနော်ကမူ ဥရောပမဲဇာတွင် သောင်တင်လျက်ရှိသည်ကို တွေ့ ရလေတော့သည်။ ။

ငြိမ်းဝေ(ကဗျာ့အိုးဝေ)
၁၈၊ ၁၊ ၁၉၉၆
ဆန်ဗစ်ကာမြို့၊ ကြက်ခြေနီစခန်း။ နော်ဝေး။