တံခါး ဖွင့်ထားတယ်
စိတ်က ပိတ်မိနေတယ် – 
ဖုန်းမောင်

.

တံခါးများ ဖွင့်ထားတယ်

စိတ်က ပိတ်မိနေတယ်

တံခါးများ ပိတ်ထားတယ်

စိတ်က ထွက်ပြေးနေတယ်

တံခါးတွေက လူတွေရဲ့စိတ်ကို 

လုံခြုံမှုရှိအောင် ဖုံးကွယ်ပေးထားတယ်

ဘာကိုမှ မမြင်ချင်တော့တဲ့ အခါ တံခါးတွေ ပိတ်ထားလို့ရတယ်

လေပြေအေးတွေကို အိမ်ထဲ သွင်းလိုတဲ့အခါ

တစ်စုံတစ်ယောက်ကို ကြည့်လိုတဲ့အခါ

အိမ်အပြင်ဘက်က ရှုခင်းတွေကို မြင်လိုတဲ့အခါ ဖွင့်ထားလို့ရတယ်

အိပ်ခန်းထဲမှာ ပြူတင်းတံခါးတွေရှိတယ် အပြင်ကို ဖွင့်ပြီး ကြည့်လိုက်ရုံပဲ

ပျော်ရွှင်သူဟာ အိမ်တံခါးတွေ အကုန်ဖွင့် သူ့စိတ်ကို ရွက်လွင့်လိမ့်မယ်

တံခါးတွေ အကုန်ပိတ် ခံတပ်တစ်ခုလို ထောင်ကြီးတစ်ခုလို

ကိုယ့်ကိုယ်ကို အမှောင်ချပြီး နေတဲ့ လူတွေလည်း ရှိတာပဲ

တံခါးတွေဟာ အိမ်တစ်အိမ်ရဲ့ ထွက်သက် ဝင်သက်များဖြစ်သလို

ချောင်းကြည့်ပေါက် မျက်လုံးများလည်း ဖြစ်ပါတယ်

သစ်သားတံခါး ဖြစ်ဖြစ် သံတံခါးဖြစ်ဖြစ် မှန်တံခါးဖြစ်ဖြစ်

တံခါးတွေဆိုတာ ကြိုတင် ကာကွယ်ထားခြင်းတစ်မျိုးပဲ

တံခါးတွေမှာ မင်းတုန်းတွေ အပေါ်ရော အောက်ရော ရှိတယ်

ဂျက်ချထားလိုက်ရုံပဲ ဒီထက် သေချာတာက သော့ခတ်ထားလိုက်ရုံပဲ

တံခါးတွေက လုံခြုံပါတယ် လူတွေရဲ့စိတ်တွေက မလုံခြုံဘူး

တံခါးများ ပိတ်ထားတယ် စိတ်ကတော့ ဖွင့်ထားမှာပဲ

ခေါ်သံကို မျက်ကွယ်ပြုပြီး နေတာ အကြောင်းတွေရှိမယ်

တကယ်မရှိဘူးလား တံခါးခေါက်သံဟာ ပိုကျယ်လောင်လာတယ် 

သော့ဖွင့်သံ မကြားရဘူး ပြန် ထူးသံ မကြားရဘူး

တံခါးက နည်းနည်းလေးမှ မလှုပ်ဘူး

ဖြေစမ်းပါ့ စကားတွေ တစ်လုံးမှ ထွက်ကျမသွားအောင်

မင်း နှုတ်ခမ်းကို ဖိကိုက်ထားသလား 

ငါ့ ရင်ခွင်တံခါးကြီး အမြဲ ဖွင့်ထားပါတယ်

မင်း နှလုံသားကိုတော့ အခုထိ ဂျက်ထိုးထားတယ်။          ။

ဖုန်းမောင်
21 9 2018