လက်ကျန် သက်တမ်း – 
ဖုန်းမောင်

.

အိပ်ရာထတိုင်း 
ကိုယ့်ဘဝကို အရှင်လတ်လတ်  ပြန်မြင်ရတဲ့ အခါ
အိပ်မက်တွေဟာ ပျက်ပြယ်သွားတယ်။

မနေ့က ခြေလှမ်းအတိုင်း
ဒီနေ့ ငါ လျှောက်လှမ်းနေတာ
မနေ့က တွေးခေါ်မှုအတိုင်း
ဒီနေ့ ငါ တွေးခေါ် သွားလာနေတာ
မနေ့က လုပ်ရိုးလုပ်စဉ်အတိုင်းပဲ
ဒီနေ့ ငါ လုပ်ကိုင်နေတာပါ။

မနေ့က ငါ့ကို ဒီနေ့ ငါက ခြေဖဝါးထပ်မျှ 
အနောက်က တကောက်ကောက် လိုက်နေတယ်
မနေ့က ငါ့ကို ဒီနေ့ ငါက မကျော်တက်နိုင်သေးဘူး
မနေ့က ငါ့ကို ဒီနေ့ ငါက စိန်မခေါ်ရဲသေးဘူး
မနေ့က ငါကလည်း ဘာကောင်မှ မဟုတ်ခဲ့ဘူး
ဒီနေ့ ငါကလည်း ဘာကောင်မှ ဖြစ်မလာဘူး။

ကိုယ့်ကိုယ်ကိုယ် မတော်လှန်ရဲသူဟာ
ဘယ်အချိန်မှာမှ လွပ်လပ်ရေး ရမှာ မဟုတ်ဘူး
ကိုယ့်ဘဝကို မရောင့်ရဲ မတင်းတိမ်နိုင်သူဟာ
ဘယ်အချိန်မှာမှ  ပျော်ရွှင်မှု ရမှာမဟုတ်ဘူး
ဒါကို တထစ်ကျ ငါ ယုံကြည်တယ်။

ရွေးချယ်မှုဆိုတာ
ပစ်ရမှာလည်း အဆီတဝင်းဝင်း
စားရမှာလည်း သဲနဲ့ တရှပ်ရှပ် နိုင်လွန်းတယ်
နေတတ်ရင် ကျေနပ်စရာပေမယ့်
ငါက မနေတတ်တော့ 
ငါ့ဘဝကို ဒီမျှနဲ့ မကျေနပ်ချင်ဘူး။

လက်ကျန် သက်တမ်း
ဘယ်လောက် ကျန်သေးလဲ
လက်ကျန် သက်တမ်းအတွက်
လက်ရှိ နေထိုင်မှု ပုံစံအတိုင်း
ဘဝကို ယှဉ်ပြိုင်သွားမှာလား
ဘယ်ဘဝကို ရွေးကောက်ခံမှာလဲ
အသက် ထက်ဝက် ကျိုးနေတဲ့ လူငယ်။

အိပ်မက်မဟုတ်ဘူး
ငါ့ ဘကြီးကတော့
အသက် ၇ဝ ရောက်မှ 
ရွေးကောက်ပွဲမှာ အနိုင်ရသွားတယ်။          ။

ဖုန်းမောင်
၁၉ ၆ ၂ဝ၁၈