ကိုယ်တိုင်ရေးနိုင်ငံတော် – 
နောင်မင်းခိုင်

.

လမ်းပေါ်မှာ အလေအလွင့်တွေများလွန်းလို့
စနစ်တကျသိ မ်းဆည်းလှဲကျင်းလိုက်မှ
ဖုန်တထောင်းထောင်း ထနေလိုက်တာ
Mask တွေ ဈေးတက်လာတဲ့အထိပဲ
စီးပွားရေးဆိုတာ ကြီးပွားရေးကိုပဲ ရှေးရှုတယ် ။

ပြည်ပ ပစ္စည်းတွေဝင်လာတယ်
အန္တရာယ်ကများ ဘေးထွက်ဆိုးကျိုးတွေ တနင့်တပိုး
မျက်စိမှိတ်သုံးနေကြတယ်
မျက်စိဖွင့်ပြီး မသုံးလည်းရနေတာပဲ ။

ပြည်တွင်းဖြစ် ပဲပြားတွေမှာ ဖော်မလင်တွေများနေတာ
ဒါ ဘယ်သူ့ကို အပြစ်ပြောဦးမလဲ
လမ်းဘေးက ကြံရည်ဆိုင်မှာ
မြောင်းရေနဲ့ ဆေးကြကြောကြ
ဒါ သဘာဝလား ။

လိမ်တယ် ညာတယ် လှည့်တယ် ပတ်တယ်
နိုင်ငံတကာထက် စံချိန်မီ
ငါတို့ပြည်ကြီး အံ့သြဘနန်း
မစင်ကိုလည်း နှမ်းဖြူးချင်ကြတယ် ။

ကိုယ့်မိခင်ဘာသာစကား ကိုယ်နားမလည်နိုင်တော့ဘူး
အမျိုးမျိုးအဆန်းထွင်ကြ 
မယုံနိုင်စရာဖြစ်ရလောက်တဲ့အထိ
ယုံအောင်အမျိုးမျိုးပြောကြ
ဆန်းဆန်းပြားပြား မတရားမှုနဲ့ရှင်သန်ချင်ကြတယ် ။

လေဒဏ် မြေဒဏ် ရေဒဏ် စစ်ဒဏ်
ဒဏ်တကာ့ဒဏ်ထဲမှာ
မှိုင်းဒဏ်သင့်ပြီး အမြင့်ကမောင်းပြန်ကျ
အိုးမည်းတွေနဲ့ မလှတဲ့မျက်နှာတွေမြင်ရတော့လည်း
မချိတင်ကဲပါပဲ
အကုသိုလ်များလွန်းတဲ့နိုင်ငံဆိုတာ
ကိုယ်တိုင်ရေးပုံတူပါပဲလေ ။

နောင်မင်းခိုင်