သမိုင်းဝင်ပန်းချီကား – 
ငြိမ်းသွေး

.

အပြုံးလေး တပွင့်ပွင့်နိုင်ဖို့တောင်
အပြေးအလွှားလှုပ်ရှား
အခြေခံလူတန်းစားတွေရဲ့ဘဝထဲမှာ
ခင်ဗျားပါမယ်………
(ပါချင်မှလည်းပါမယ်)
ကျွန်တော်ပါတယ်…
အင်း……
အကုန်လုံးပါတယ်ဆိုပါစို့

လူတွေပါးစပ်ဖျားမှာ ရေပန်းစားနေတဲ့
ခေါင်းစဉ်တွေအမျိုးမျိုးအောက်မှာ
ကျွန်တော်တို့ဘဝတွေဆိုတာ
ယနေ့အချိန်ထိ
ရေကန်ထဲက လထက် ပိုမသာဖူးသေးဘူး

သေရည်တခွက်
ဆေးလိပ်တဖွာ
နိုင်ငံကျော်တယောက်
ကမ္ဘာကျော်တယောက်
အဲဒီလောက်အရာမရောက်ခဲ့လေတော့
ကျွန်တော်တို့ရဲ့ဘဝတွေ
ကျွန်တော်တို့ရည်မှန်းချက်တွေဟာ
ဂျာနယ်တစောင်ဖြစ်သွားတယ်

အထက်တန်းကျကျ
ဂုဏ်သရေရှိလူကြီးမင်းတစ်ယောက်ဟာ
မဟာကရုဏာရှင်ကြီးအနေနဲ့
ဂျာနယ်ဖြစ်သွားတဲ့
ကျွန်တော်တို့ဘဝတွေကိုဖတ်တယ်
ကျွန်တော်တို့မျက်နှာတွေကိုဖတ်တယ်
ကျွန်တော်တို့ခေါင်းစဉ်တွေကိုဖတ်တယ်
ကျွန်တော်တို့လုပ်ရပ်တွေကိုဖတ်တယ်
ကျွန်တော်တို့စိတ်ဓာတ်တွေကိုဖတ်တယ်

အဲဒီလိုလူကြီးလူကောင်းပီပီ
မဟာကရုဏာရှင်တွေအများကြီးက
ကျွန်တော်တို့ဘဝတွေအများကြီးကိုဖတ်တယ်
ပြီးတော့
အဲဒီမဟာကရုဏာရှင် လူကြီးမင်းတွေကပဲ
ကျွန်တော်တို့ဘဝတွေကို
သူတို့ရဲ့လုပ်ရိုးလုပ်စဉ်အတိုင်း
လုံး…ချေ…စွန့်…ပစ်…လိုက်…ကြ…တယ် 

ဒီမယ်ကိုယ့်လူ
အားမငယ်ဘူး…ဇွဲမလျော့ဘူး…
ကျွန်တော်တို့ဘဝတွေ
ကျွန်တော်တို့မျှော်လင့်ချက်တွေကို
အဲသလို လုံးချေစွန့်ပစ်လိုက်ရုံနဲ့
ကမ္ဘာရဲ့လည်ပတ်နှုန်းတွေ ရပ်တန့်သွားမယ်ဆိုရင်တောင်မှ
အဒီ ဘဝတွေဟာ
ဘယ်တော့မှ ကျိုးကြေပျက်စီးသွားမှာမဟုတ်ဘူး

အဲဒါ………
ခေါက်ရိုးမကျိုးတဲ့ဘဝတွေ
အဲဒီခေါက်ရိုးမကျိုးတဲ့ဘဝတွေဟာ
အမှန်တရားအတွက်ဆို
မရဏမင်းနဲ့လည်း စစ်ခင်းဝံ့သလို
အသက်သွေးကိုလည်း စတေးဝံ့တယ်

ထပ်ပြောမယ်
အဲဒီဘဝတွေဆိုတာ
အသက်သေသေ…အရေခမ်းခမ်း
ဘယ်တော့မှ ခြောက်နွမ်းလေ့မရှိအောင်
အသက်သွေးတွေကို ရင်းလို့
မတ် လကိုယ်တိုင် မွေးထုတ်ပေးထားတဲ့
သမိုင်းရဲ့ပန်ချီကားတချပ်ဆုိုတာ
ခင်ဗျားတို့ နားလည်ထား………။     ။

ငြိမ်းသွေး