ဒီအတိုင်း – 
မောင်ထိန်လင်း(မြို့သာ)

.

နင်းဖိထားတဲ့ အညှောင့်လေးက
မြေမြုပ်မိုင်း ဖြစ်နေခဲ့တယ်

အတ္တတွေ တဖွားဖွားပေါက်ပွားနေသူနဲ့
ဒေါသတွေ မြိုသိပ်သိုလှောင်နေသူတို့

ဒီအတိုင်း ရပ်နေရုံပဲ
ဒီအကွက် ဒီလိုတက်လာပြီး ကင်းဝင်မယ်ပေါ့

ဒီဇာတ်ကို ဒီလို ညွှန်းဖွဲ့ ရိုက်ကူးခဲ့တယ်
စာသားတွေ ရွတ်ပြနေရုံနဲ့
ဘယ်ရွှံ့ရုပ်မှ အသက်ဝင်မလာနိုင်ဘူး

ဒီလို ဇာတ်နာခဲ့ရတာပဲ
စုန်းမကြီးကြောင့်
မင်းသမီးလေး ပိုလှလာတယ်
ဇာတ်က ပိုကြွလာတယ်
ဒီအတိုင်း ကြည့်နေရုံပါပဲ။

မောင်ထိန်လင်း(မြို့သာ)