စိတ်ပျက်ဖွယ် ဒီတနင်္ဂနွေနေ့က – 
နေရိုင်း

.

အဲ့လောက်မလိုပေမဲ့
ကိုင်းဖျားကိုင်းနားက လာရိုက်ခတ်

ခုချိန်ဆို စစ်မျက်နှာတွေဖွင့်နေလောက်ပြီ
ကဏ္ဍတစ်ခုတည်းနဲ့တော့ အကြောင်းအရာက
ပြီးပြည့်စုံလောက်တဲ့ အဖြေ ပြီးပြည့်စုံလောက်တဲ့ ရလဒ်
ပြီးပြည့်စုံလောက်တဲ့လက္ခဏာ ရမှာမဟုတ်ဘူး။

ခက်နေတာက လောကပါလတရားက ဘယ်ဆီမှာလဲ
လူသားဆန်မှု လူသားမဆန်မှု
အခုချိန်ထိ လူသားမဆန်မှုတွေက
တစ်ခန်းရပ်ပြဇာတ်လား
အော်ပရာလား 
ခေတ်မီမီ အတွေးအခေါ်တွေနဲ့ သံယောင်လိုက်နေသူများ။

တခါတလေ
ကိုယ့်ကိုယ်ကိုယ် ပျောက်နေတဲ့ခေတ်ကြီး
နာမည် မရ ရကောင်းလားလို့ စိတ်ဆိုးနေတဲ့ခေတ်ကြီး

စိတ်ပျက်ဖွယ် ဒီတနင်္ဂနွေက
စိတ်ပျက်ဖွယ် ဒီတနင်္ဂနွေက
အမည်ပျက်စာရင်း ကိုယ့်ကိုယ်ကိုယ်သွင်းယူလို့။

အိပ်မက်တွေက ဖွင့်ထားတဲ့ တံခါးတွေလိုပဲ
ဓမ္မတေးသံက ပျံ့လွင့်လို့
ခန်းနားထည်ဝါလှတဲ့ ဘုရားကျောင်းက
အထည်ကြီးပျက်တွေရဲ့ဆုတောင်းစကား
စိတ်ပျက်ဖွယ် ဒီတနင်္ဂနွေက။

နေရိုင်း