စစ်ဘုရင်အိုရဲ့ကစားကွက်မှာ အရွှေ့ခံနေရဆဲနိုင်ငံတော်

မြတ်လှိုင်း

ကျွန်တော်တို့နိုင်ငံဟာ ဒီမိုကရေစီလမ်းစမှာ ခြေစလှမ်းနေပါပြီ။ဒါပေမယ့်လမ်းကိုခြေလှမ်းမှန်အောင်မလျှောက်နိုင်သေးပါဘူး။မလျှောက်နိုင်အောင် ပြဿနာပေါင်းစုံဖန်တီးပြီးခလုပ်တိုက်ချော်လဲနေပါတယ်။ချော်လဲကျနေတာကိုပြန်ထူထနေရတာနဲ့အချိန်တွေကုန်ပြီး လမ်းဆက်မလျှောက်နိုင်ပါဘူး။

ဒီချော်လဲကျနေအောင် စနစ်တကျဖန်တီးထားခဲ့သလို၊လက်ရှိအချိန်မှာလဲဖန်တီးမှုတွေရှိနေတယ်လို့သုံးသပ်နိုင်ပါတယ်။ ပြောမယ်ဆိုရင်စစ်တုရင်ခုံပေါ်မှာတစ်ဖက်လူမရွှေ့နိုင်အောင်အကွက်ကျကျအကွက်ချပြီးပိတ်ထားတဲ့ကစားကွက်ထဲရောက်နေသလိုမျိုးပါ။

အား အားလုံးကသတ်မှတ်ထားတဲ့စာဖတ်သူကြီးကစစ်တုရင်ခုံပေါ်ကကစားကွက်ကိုသွေးအေးအေးနဲ့ရွှေ့နေသူပါ။ ကမ္ဘာ့စစ်အာဏာရှင်ကြီးတွေဟာဒီစစ်တုရင်ပွဲကနေအရှုံးပေးထွက်ခွာသွားခဲ့ရပါတယ်။ ကျွန်တော်တို့မြန်မာနိုင်ငံရဲ့စစ်တုရင်ခုံကိုအပိုင်ရွှေ့နေတဲ့စာဖတ်သူကြီးကတော့ဒီကစားပွဲကိုအနိုင်နဲ့နောက်ဆုတ်သွားနိုင်အောင် ဉာဏ်အလွန်များလှပါတယ်။ 

တစ်ဖက်ကအတိုက်အခံလုပ်တဲ့သူတွေကိုအလဲအကွဲထိုးနိုင်ခဲ့ပါတယ်။အပြိုပြိုအလဲလဲနဲ့အရှုံးဖြစ်အောင်လုပ်နိုင်ခဲ့ပါတယ်။တိုင်းပြည်ကို စစ်တုရင်ကစားခုံပေါ်တင်ပြီး သူကြိုက်သလိုအကွက်ရွှေ့နိုင်ခဲ့ပါတယ်။ မြန်မာနိုင်ဟာအဆင်းရဲဆုံးနိုင်ငံဖြစ်အောင်အကွက်ရွှေ့နိုင်ခဲ့ပါတယ်။

တိုင်းပြည်မှာအတိုက်အခံခေါင်းဆောင်ဟာပြည်သူ့အားယူပြီးအားကောင်းလာတဲ့အချိန်မှာဒီတစ်ခါစစ်တုရင်ပွဲမှာအရှုံးပေးရတော့မယ်ဆိုတာကိုစာဖတ်သူကြီးကြိုတွက်နိုင်ခဲ့ပါတယ်။ ကမ္ဘာပေါ်မှာလဲစစ်အာဏာရှင်ခေါင်းဆောင်ကြီးတွေဇာတ်သိမ်းမလှအောင်ရှုံးနိမ့်နေတဲ့အချိန်ပါ။ဒီပွဲမှာရှုံးနိမ့်ခဲ့ရင်သူ့စိတ်ကြိုက်အကွက်ရွှေ့ခဲ့တဲ့ပွဲမှန်သမျှဆုံးရှုံးသွားရတော့မှာပါ။သူပိုင်ဆိုင်ထားခဲ့သမျှလည်းဆုံးရှုံးသွားရတော့မှာပါ။

ဒါကြောင့်တစ်ဖက်ကိုအလဲလဲအပြိုပြိုအနိုင်တိုက်တဲ့မဟာဗျူဟာကိုပြောင်းလိုက်ပါတယ်။ အရင်ဆုံးချမှတ်လိုက်တဲ့မဟာဗျူဟာကတော့အနိုင်နဲ့ဆုတ်ခွာနိုင်ရေးဆိုတဲ့မဟာဗျူဟာပါ။ ဒီမဟာဗျူဟာအတွက်အခြေခံဥပဒေနဲ့သူ့ရဲ့ဆုတ်လမ်းကိုကာကွယ်ထားဖို့ကအဓိက စဉ်းစားခဲ့ပါတယ်။ သူ့ရဲ့အနိုင်နဲ့ဆုတ်ခွာနိုင်ရေးမဟာဗျူဟာကိုဥပဒေပညာမှာတစ်ဖက်ကမ်းခတ်ကျွမ်းကျင်သူတစ်ဦးဖြစ်တဲ့ဦးအောင်တိုးကိုစစ်တုရင်ခုံပေါ်ချကစားလိုက်ပါတယ်။

ဦးအောင်တိုးဟာ၂ဝဝ၈ခြေဥကိုရေးဆွဲပြီးဆုတ်ခွာမှုကာကွယ်ရေးနည်းဗျူဟာနဲ့ကစားပြလိုက်ပါတယ်။ ဒီနည်းဗျူဟာကဘယ်လိုမှတစ်ဖက်လူကတန်ပြန်တိုက်စစ်မဆင်နိုင်အောင်အကွက်စေ့ခဲ့ပါတယ်။ နောက်နည်းဗျူဟာကတော့အရှင်မွေးနေ့ချင်းကြီးဆိုတဲ့စကားပုံကိုကိုင်တွယ်ကစားခဲ့ပါတယ်။ စာဖတ်သူကြီးက သူ့အပေါ်သစ္စာရှိတဲ့ငယ်သားတွေကို စစ်တုရင်ခုံပေါ်မှာတစ်ဖက်ကစားကွက်ရဲ့နောက်ဆုံးအကွက်ကိုရောက်ပြီးကွင်းယူပေးလိုက်တဲ့နည်းဗျူဟာပါ

ဒီ စစ်တုရင်ခုံပေါ်မှာဘုရင်ကြီးကိုသစ္စာရှိရှိကာကွယ်ပေးပြီးဆုတ်လမ်းနဲ့အနိုင်ယူရမယ့်အကွက်ကလည်းအောင်မြင်ခဲ့ပါတယ်။၂ဝဝ၈ခြေဥနဲ့ကာပြီးကျေးဇူးရှင်နည်းဗျူဟာနဲ့ထပ်ကာကွယ်လိုက်ပါတယ်။စာဖတ်သူကြီးအတွက်အကာအကွယ်ယူထားပြီးတဲ့အခါအနာဂါတ်အတွက်စဉ်းစားပြီးအကွက်ချလိုက်ပါတယ်။

၂ဝ၁ဝမှာရွေးကောက်ပွဲကျင်းပပေးပြီစစ်အာဏာရှင်စနစ်ကိုအရပ်သားပုံပြောင်းပြီးဒီမိုကရေစီခေတ်အသွင်သဏ္ဍာန်နဲ့ကာကွယ်လိုက်ပါတယ်။စစ်တုရင်ကစားကွက်မှာ တိုင်းပြည်ကိုထိုးမွှေဖို့ ဦးသိန်းစိန်ကို သမ္မတနေရာမှာထားခဲ့တယ်။ဦးသိန်းစိန်ဦးဆောင်တဲ့အစိုးရတစ်ဖွဲ့လုံးကလည်းလက်ကျန်တိုင်းပြည်ကိုယူနိုင်သမျှယူ၊ချယ်လှယ်နိုင်သမျှချယ်လှယ်၊အရပ်သားအစိုးရဆိုပေမယ့်အာဏာပြနိုင်သလောက်ပြဆိုတဲ့လုပ်ရပ်တွေလုပ်ခဲ့ပါတယ်။

ဒီကစားကွက်မှာ ခရိုနီလူတန်းတစ်ရပ်ကိုအကွက်ချကစားခဲ့ပါတယ်။ခရိုနီတွေကလဲဘယ်သူသေသေငတေမာရင်ပြီးဆိုတဲ့အတိုင်းအတ္တတွေကြီးကြီးထားပြီးတိုင်းပြည်ရဲ့စီးပွားရေးအကွက်ရွှေ့တဲ့နေရာမှာပါဝင်ခဲ့ကြပါတယ်။ရသလောက်အကုန်ယူပြီးပြည်သူတွေပိုဆင်းရဲသထက်ဆင်းရဲအောင်ဖိနင်းပြခဲ့ပါတယ်။နောက်ကွယ်ကစာဖတ်သူကြီးကိုအေးအေးဆေးဆေးထိုင်ပြီးလိုတရဘဝကိုဖန်တီးပေးခဲ့ပါတယ်။

ပြည်သူတွေရဲ့မကျေနပ်မှုများဟာ ဦးသိန်းစိန်အစိုးရအပေါ်ပုံပေးလိုက်ပြီးစာဖတ်သူကြီးကတော့တဖြေးဖြေးအနိုင်နဲ့ဆုတ်ခွာသွားနိုင်ပါတယ်။ ဦးရွှေမန်းကိုတော့စာဖတ်သူကြီးဆုတ်ခွာနိုင်တဲ့၂ဝဝ၈ကာဗာကိုခိုင်မာအောင်တည်ဆောက်ခိုင်းတဲ့လွှတ်တော်အကြီးအကဲနေရာမှာထားလိုက်ပါတယ်။ ဒီကာဗာအောက်ကိုပြည်သူတွေထောက်ခံနေတဲ့အတိုက်အခံခေါင်းဆောင်ဒေါ်အောင်ဆန်းစုကြည်ကိုတံခါးခပ်ကျဉ်းကျဉ်းဖွင့်ဟပြီးဝင်ခွင့်ပေးခိုင်းခဲ့ပါတယ်။

ဝဝ၈ကိုကာကွယ်သလိုဒေါ်အောင်ဆန်းစုကြည်နဲ့ရင်းနှီးတဲ့သံတမန်ဆက်ဆံရေးနည်းဗျူဟာကိုဦးရွှေမန်းကျင့်သုံးခဲ့ရတာပါ။တကယ်တော့ဦးရွှေမန်းဟာခွချက်နည်းဗျူဟာကိုကျင့်သုံးခဲ့ရတာပါ။ စာဖတ်သူကြီးဆုတ်ခွာမှုအောင်မြင်တယ်လို့ယူဆနိုင်ပါပြီ။ဒါပေမယ့်အတိုက်အခံခေါင်းဆောင်ဟာ အဓိကကျတဲ့နေရာရောက်လာနိုင်မယ်လို့ခန့်မှန်းတွက်ချက်ပြီး ဦးသိန်းစိန်နဲ့ဦးရွှေမန်းကို စစ်မျက်နှာနှစ်ခုခွဲပြီး နေရာယူခိုင်းခဲ့ပါတယ်။ ဘယ်တောင်ပံနဲ့ညာတောင်ပံတိုက်စစ်တွေရဲ့ဦးတည်ချက်ဟာ၂ဝ၁၅ရွေးကောက်ပွဲအပြီးမှာတိုင်းပြည်ကိုဆက်လက်ဦးဆောင်နိုင်ရေးဗျူဟာပါပဲ

၂ဝ၁၅ရွေးကောက်ပွဲမှာကြံ့ခိုင်ရေးပါတီအနိုင်ရရင်သမ္မတနေရာမှာဆက်ရှိနေမှာဖြစ်သလို။အတိုက်အခံခေါင်းဆောင်ဒေါ်အောင်ဆန်းစုကြည်အနိုင်ရရင်လဲမဟာမိတ်ဖွဲ့ထားတဲ့ဦးရွှေမန်းသမ္မတဖြစ်လာနိုင်မယ့်ဗျူဟာကိုချခဲ့တာပါ။ ဦးသိန်းစိန်နဲ့ဦးရွှေမန်းကိုအတိုက်အခံတွေကြားမှာတွေဝေသွားစေအောင်ချကစားခဲ့တာပါ။ဦးသိန်းစိန်ရဲ့ကြံ့ခိုင်ရေးကိုလည်းရွေးကောက်ပွဲမှာအင်အားထပ်ဖြည့်ပေးခဲ့သပါတယ်။ဗိုလ်ချုပ်ကြီးတွေကို ကြံ့ခိုင်ရေးပါတီဖက်ကဝင်ပြိုင်ခိုင်းခဲ့ပါတယ်။

စာ ဖတ်သူကြီးရဲ့အတွက်အချက်ကနည်းနည်းလေးလွဲသွားခဲ့ပါတယ်။ဦးသိန်းစိန်ရဲ့ကြံ့ခိုင်ရေးပါတီဟာ အနိုင်မရခဲ့တဲ့အပြင်ဦးရွှေမန်းတို့အုပ်စုလည်းရွေးကောက်ပွဲမှာရှုံးနိမ့်ခဲ့ပါတယ်။ ရွေးကောက်ပွဲအခြေအနေကစာဖတ်သူကြီးကိုရော ဦးသိန်းစိန်ရဲ့ကြံ့ခိုင်ရေးပါတီကိုပါ အံ့သြငြိမ်သက်သွားစေခဲ့တာပါ။စစ်အာဏာရှင်ဝါဒကိုရော၊စစ်အာဏာရှင်ခေါင်းဆောင်တွေကိုပါမလိုလားကြောင်းပြည်သူတွေတညီတညွှတ်ထဲအသံတိတ်ပြသလိုက်တာပါ။

စာဖတ်သူကြီးဟာ ခဏတာငြိမ်သက်သွားပြီး ပြန်စဉ်းစားလိုက်ပုံရပါတယ်။ နောက်ဆုံးမဟာဗျူဟာအနေနဲ့၂ဝဝ၈ခြေဥကိုအကာအကွယ်ယူလိုက်ပါတယ်။ဒီ၂ဝဝ၈ကိုကိုင်ပြီးကစားခဲ့ပါတယ်။အတိုက်အခံခေါင်းဆောင်ဖြစ်တဲ့ဒေါ်အောင်ဆန်းစုကြည်ကသူထင်ထားတဲ့အတိုင်းအဓိကနေရာရောက်လာပါပြီ။ဒေါ်အောင်ဆန်းစုကြည်ကိုချုပ်ထားနိုင်ဖို့နည်းဗျူဟာအသစ်ကိုရေးဆွဲခဲ့ပါတယ်။ဒီနည်းဟာအခင်းအကျင်းမှာဦးသိန်းစိန်ကိုအနားပေးလိုက်ပါတယ်။

ဒေါ်အောင်ဆန်းစုကြည်နဲ့မဟာမိတ်မပျက်သေးတဲ့ဦးရွှေမန်းကိုအသုံးချခဲ့ပါတယ်။ ဦးရွှေမန်းနဲ့တောင်ပံတိုက်ဆင်မှာပါဝင်ကစားခဲ့ကြသူတွေကိုဒေါ်အောင်ဆန်းစုကြည်နဲ့ပိုမိုနီးကပ်စေခဲ့ပါတယ်။ဒေါ်အောင်ဆန်းစုကြည်နဲ့စာဖတ်သူကြီးဟာတွေ့ဆုံပြီးအနိုင်ရနေတဲ့ဒေါ်အောင်ဆန်းစုကြည်ကိုအကဲခတ်ခဲ့ပါတယ်။မြန်မာပြည်ရဲ့ပြည်သူတွေဟာဒေါ်အောင်ဆန်းစုကြည်စကားတစ်ခွန်းကိုလိုက်နာကြတယ်ဆိုတာကိုစာဖတ်သူကြီးသိနေပါတယ်။

ဒီ ဗျူဟာအခင်းအကျင်းမှာဦးရွှေမန်းကိုကစားခိုင်းခဲ့တာပါ။ဒေါ်အောင်ဆန်းစုကြည်နဲ့စာဖတ်သူကြီးတို့တွေ့ဆုံဖို့ဦးရွှေမန်းကအကြံပေးတဲ့ပုံစံကိုရအောင်ဖန်တီးလိုက်တာကလည်းဒေါ်အောင်ဆန်းစုကြည်အနေနဲ့ဦးရွှေမန်းကိုမဟာမိတ်အဆင့်ထက်ပိုပြီးယုံကြည်သွားအောင်ကစားခဲ့တာပါ။

စာဖတ်သူကြီးရဲ့ကစားကွက်အောင်မြင်ခဲ့ပါတယ်။အနိုင်ရဒေါ်အောင်ဆန်းစုကြည်ဦးဆောင်ဖွဲ့မယ့်လွှတ်တော်မှာပြည်ထောင်စုအဆင့် ကော်မရှင်မှာဦးရွှေမန်းကိုဥက္ကဋ္ဌနေရာပေးလိုက်ရတဲ့အပြင်ဒေါ်အောင်ဆန်းစုကြည်ဦးဆောင်ဖွဲ့မယ့်အစိုးရမှာလည်းအနည်းဆုံးဝန်ကြီးနှစ်နေရာပေးလိုက်ရပါတယ်။၂ဝဝ၈ခြေဥအရအဓိကဝန်ကြီးနေရာသုံးနေရာအပြင်ပါ။ ဦးရွှေမန်းအနေနဲ့လွှတ်တော်ကော်မရှင်ထဲမှာအင်အယ်ဒီပါတီခေါင်းဆောင်တစ်ဦးဖြစ်တဲ့ ဦးဝင်းထိန်ကိုထည့်သွင်းလိုက်တာသိသာနေတဲ့အခင်းအကျင်းပါ

ဒီမိုကရေစီစနစ်ကိုအကောင်အထည်ဖော်ဖို့ဦးတည်နေတဲ့ဒေါ်အောင်ဆန်းစုကြည်လမ်းကိုချုပ်ထားလိုက်တယ်လို့ယူဆရင်မှားမယ်မထင်ပါဘူး။ ဒီကစားကွက်မှာအဓိကကစားနေရတာက ဦးရွှေမန်းဖြစ်နေပါပြီ။ နောက်တစ်ချက်ကတိုင်းပြည်စီးပွားရေးလမ်းကြောင်းကိုဖြတ်တောက်ထားတဲ့ဗျူဟာကိုချခဲ့ပါတယ်။ဒီဗျူဟာကလည်းအရေးကြီးပါတယ်။ ခရိုနီကြီးတွေအတွက်အမေရိကန်နိုင်ငံနဲ့အပေါင်းအပါနိုင်ငံတွေကပိတ်ဆို့ထားတဲ့ဘလက်စာရင်းကိုဒေါ်အောင်ဆန်းစုကြည်အနေနဲ့ပယ်ဖျက်နိုင်အောင်ကြိုးစားခဲ့ပေမယ့် ခရိုနီကြီးတွေကပါဝင်မပူးပေါင်းသေးတာလဲအကြပ်အတည်းဖြစ်အောင်လုပ်တဲ့ကစားကွက်တစ်ခုပါ။

ပြည်သူတွေပိုဆင်းရဲပြီးပိုကြပ်တည်းလာအောင်ခရိုနီတွေချကစားခဲ့တာပါ။ပြည်သူတွေဆင်းရဲကြပ်တည်းလာရင်ဥပဒေပြင်ပရောက်ကုန်မယ့်ဗျူဟာပါ။အခုအဖြစ်အပျက်တွေဟာစာဖတ်သူကြီးရဲ့ကစားကွက်ထဲဝင်နေပါတယ်။ပြည်သူတွေရဲ့စိုးရိမ်မှုတွေကြီးထွားလာစေမယ့်ခိုးဆိုးလုယက်မှုတွေ၊မြို့လယ်ခေါင်မှာအနုကြမ်းစီး၊ဓားမြတိုက်မှုတွေ၊မူးယစ်ဆေးဝါးရောင်းဝယ်ဖောက်ကားမှုတွေ၊မြို့လယ်ခေါင်မှာလူသတ်မှုတွေပါပဲ။

ပြည်သူတွေမျှော်လင့်နေခဲ့တဲ့ပြည်တွင်းစစ်တွေရပ်စဲဖို့ကိုလည်းဦးသိန်းစိန်အစိုးရကအဆင့်ခွဲခြားဆက်ဆံခဲ့ပြီးပြည်တွင်းစစ်မီးကိုတငွေ့ငွေ့လောင်ကျွမ်းနေစေခဲ့ပါတယ်။ ပြောမယ်ဆိုရင်ဒီမိုကရေစီလမ်းစပေါ်စလှမ်းနေချိန်ရောက်ကတည်းကဘယ်အစိုးရလက်ထက်မှာမှမဖြစ်ဖူးတဲ့ကိစ္စတွေဖြစ်ပေါ်နေရပါတယ်။

ဒီမိုကရေစီခေတ်ကိုပုံဖော်မယ့်အရပ်သားအစိုးရအပေါ်မဲပေးခဲ့တဲ့ပြည်သူတွေစိတ်ပျက်သွားအောင်လုပ်နေတယ်လို့ထင်နိုင်ပါတယ်။ ပြည်သူတွေစိတ်ပျက်ပြီးဒီမိုကရေစီအရပ်သားအစိုးရကိုမယုံကြည်တော့တဲ့အချိန်ရောက်မှ စာဖတ်သူကြီးဟာ(အကယ်၍သူမသေသေးရင်)သူကစားနေတဲ့စစ်တုရင်ကစားကွက်ထဲကမြန်မာပြည်ကိုကယ်ယူခြင်းနဲ့အနိုင်ယူသွားပါလိမ့်မယ်လို့ထင်နေမိပါတယ်။

မြတ်လှိုင်း
သူရိယနေဝန်းဂျာနယ်
Vol 1.No 136
ဖေဖော်ဝါရီ၊၂ဝ၁၇